უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
სამართალი
გიორგი შაქარაშვილის მკვლელობის საქმის არსებითი განხილვა 8 ოქტომბერს დაიწყება
გიორგი შაქარაშვილის მკვლელობის საქმე არსებითი განხილვის ეტაპზე გადადის. სისხლის სამართლის დევნის შეწყვეტის თაობაზე ბრალდებული ხუთი პირის ადვოკატების შუამდგომლობა არ დაკმაყოფილდა.
გიორგი შაქარაშვილის მკვლელობის საქმის არსებითი განხილვა მცხეთის სასამართლოში 8 ოქტომბერს 12:00 საათზე დაიწყება.
საქმის პროკურორს გამამტყუნებელი განაჩენის მოლოდინი აქვს და ამბობს, რომ ბრალდებულების დანაშაულის სამტკიცებლად საქმეში მყარი მტკიცებულებები დევს.
„იმ ბრალდებულებს, რომელთაც ბრალი წარდგენილი აქვთ 109-ე მუხლით, მათ გიორგი შაქარაშვილის განზრახ მკვლელობა ჩაიდინეს და მიგვაჩნია, რომ ეს ბრალდება არსებითი განხილვის შედეგად დადასტურდება.
ჩვენ გვაქვს მყარი მტკიცებულებები, რომელიც პირდაპირ მიუთითებს, რომ ხუთივე ბრალდებულმა გიორგი შაქარაშვილის მკვლელობის ნაწილში მონაწილეობა მიიღო. ის, რომ უშუალოდ მკვლელობის ვიდეოჩანაწერი არ არის საქმეში და კამერით არ მიმდინარეობდა გადაღება, არ ნიშნავს, რომ ბრალდების მხარეს მტკიცებულება არ აქვს და მათ განზრახ მკვლელობა არ ჩაუდენიათ“, – განაცხადა ყაზარაშვილმა.