უკან
უახლესი ამბები
არქივი
კომენტარი
21 ნოემბერი, 2016 18:30
გიორგი ტუღუშის დანიშვნა ადამიანის უფლებათა დაცვის კომიტეტში მოადგილედ სამარცხვინო ფაქტი და ცინიზმია- ირმა ინაშვილი
პარლამენტის ვიცე-სპიკერის, ირმა ინაშვილის განცხადებით, ადამიანის უფლებათა დაცვის კომიტეტში, თავმჯდომარის მოადგილედ გიორგი ტუღუშის დანიშვნა სამარცხვინო ფაქტია.
ამის შესახებ ინაშვილმა საკითხის კომენტირებისას მედიას განუცხადა.
„ადამიანის უფლებათა დაცვის კომიტეტში, სადაც მე წევრი ვარ, მოადგილედ როგორც ვიცი, ბატონი ტუღუში აირჩიეს. ეს არის სამარცხვინო ფაქტი, ეს არის ცინიზმი, როდესაც ტუღუში, რომლის დროსაც, როდესაც ის სახალხო დამცველი იყო და შემდეგ სასჯელაღსრულების სისტემაში მუშაობდა ხელმძღვანელ პირად, ხდებოდა პატიმრების წამება, გაუპატიურება. დღეს ეს პიროვნება ინიშნება ადამიანის უფლებათა დაცვის კომიტეტში მოადგილის თანამდებობაზე. ეს არის სამარცხვინო ფაქტი, და მე საჯაროდ ვგმობ ამას“,-აღნიშნა ინაშვილმა.
მონიკა დავლიანიძე