საზოგადოება

გირგვლიანის მკვლელების ”გამპრავებელი” უნდა იჯდეს ციხეში - დავით ოქიტაშვილი

პროფესიული კავშირების თავმჯდომარეობის კანდიდატის, დავით ოქიტაშვილის თქმით, უწყების მოქმედი თავმჯდომარე ირაკლი პეტრიაშვილი საპყრობილეში შედიოდა და სანდრო გირგვლიანის მკვლელებს „აპრავებდა“.

ამის შეასხებ ოქიტაშვილმა პრესკონფერენციაზე განაცხადა.

მისი თქმით, მომზადებულია მიმართვის ტექსტი ევროპის და მსოფლიო პროფესიული კავშირებისადმი, რომელშიც დაისმება კითხვა, არის თუ არა სირცხვილი, რომ მათ რიგებში კრიმინალური ავტორიტეტები ირიცხებოდნენ?!

“ამ ბრძოლაში შევედი მაშინ, როცა არ ვიცოდი, რომ ეს იყო ადამიანი, რომელიც შედიოდა ციხეში და უკაცრავად ამ გამოთქმისთვის, “აპრავებდა” გირგვლიანის მკვლელებს. არსებობს ერთ-ერთი ჟურნალისტის მიერ გადაღებული დოკუმენტური მასალა.

მე არ ვაპირებ ამ კრიმინალთან მოლაპარაკებებით საუბარს. მე მინდა, დავამარცხო ის არჩევნებით და დელეგატებმა მიიღონ გადაწყვეტილება. მე არ ვამბობ, რომ ყველაზე კარგი კანდიდატი ვარ, მაგრამ გირგვლიანის მკვლელების ”გამპრავებელი” უნდა იჯდეს ციხეში”, - განაცხადა ოქიტაშვილმა.

მისივე თქმით, მკაფიო განცხადების გაკეთებას ბუტა რობაქიძის დედაც აპირებს.

“ძალიან მკაფიო განცხადების გაკეთებას აპირებს ბუტა რობაქიძის დედა, რომელიც ამ ყველაფრის საქმის კურსშია და შემოგვიერთდა ამ ბრძოლაში. თუ ეს ადამიანი არ იქნება დასჯილი, მაშინ ცუდი ეჭვები გაჩნდება. ჩვენ გავამზადეთ მიმართვის ტექსტი ევროპის და მსოფლიო პროფესიული კავშირებისთვის და ვუსვამთ ასეთ კითხვას, რომ სირცხვილია მათ რიგებში კრიმინალური ავტორიტეტები ირიცხებოდნენ მათ რიგებში. სანდრო გირგვლიანს და ირინა ენუქიძეს ვპირდები, რომ 15 სექტემბერი იქნება ამ ქვეყანაში კოჰაბიტაციის დასასრულის დასაწყისი", - აღნიშნა ოქიტაშვილმა.

მონიკა დავლიანიძე