სამართალი
გირგვლიანის საქმეზე დათა ახალიამ ჩემს შვილს 100 ათასი დოლარი გადასცა - ციური თევდორაშვილი
თბილისის საქალაქო სასამართლოში დათა ახალაიას საქმის განხილვაზე, კუდ-ის ყოფილი თანამშრომლის მიხეილ ბიბილურის დედას მოუსმინეს.
ციური თევდორაშვილის თქმით, დათა ახალაიამ მის შვილს 100 ათასი დოლარი გადასცა, თუმცა თანხის გადაცემა ეტაპობრივად ხდებოდა.
მისივე თქმით, პირველად 10 ათასი დოლარი შვილის ტანსაცმელში აღმოაჩინა, რომელიც ბიბილურიძემ დაკავების შემდეგ სახლში გააგზავნა.
ციური თევდორაშვილის თქმით, დანარჩენ თანხას შვილი ციხეში პაემნების დროს გადასცემდა.
„სულ თანხამ 100 ათასი დოლარი გამოვიდა. მიხეილმა მითხრა, რომ ამ ფულს დათა ახალაია აძლევდა, თუმცა რატომ, არ დავინტერესებულვარ. მე ამის შესახებ არავისთვის მითქვამს. ვხარჯავდით, სახლში ბავშვი გვყავს. მანქანები გვემსახურებოდა. ჩემი შვილი ომის დროს, 2008 წელს გამოვიდა. რამდენიმე დღე ფორმაში ჩაცმული დადიოდა. 2 კვირა იყო სახლში, ნერვიულობდა, თუ გამოგვიშვეს, რატომ არ გვაქვს შეწყალების ფურცელიო. 2 კვირის შემდეგ ისეც წაიყვანეს ციხეში და საბოლოოდ, 3 წლის და 9 თვის შემდეგ გამოვიდა“,-განაცხადა ციური თევდორაშვილმა.
მონიკა დავლიანიძე