საზოგადოება
გლდანის რაიონის გამგებელმა გმირთა მემორიალი ყვავილებით შეამკო
გლდანის რაიონის გამგებელმა დიმიტრი ორმოცაძემ, მოადგილეებთან და გამგეობის სხვა თანამშრომლებთან ერთად, საქართველოს ტერიტორიული მთლიანობისთვის დაღუპულ გმირთა ხსოვნას პატივი მიაგო და გმირთა მემორიალი ყვავილებით შეამკო - აცნობეს მედიანიუსს მერიიდან.
,,დღეს სოხუმის დაცემის დღეა - დღე, რომელიც თითოეული ქართველისთვის ძალიან მტკივნეულია. ჩვენი ვალია, არასოდეს დავივიწყოთ ომში დაღუპული გმირები და მათი ღვაწლის შესახებ თაობებს მოვუყვეთ. მინდა, პატივი მივაგო ამ გმირების ხსოვნას და მივუსამძიმრო თითოეული მათგანის ოჯახს,’’ - განაცხადა დიმიტრი ორმოცაძემ.
სოხუმის დაცემის დღესთან დაკავშირებით, საქართველოს ტერიტორიული მთლიანობისთვის დაღუპულ გმირთა სულების მოსახსენიებელი პანაშვიდი აღევლინა. ცერემონიას, გამგებელთან ერთად, ვეტერანები და დაღუპული ჯარისკაცების ოჯახის წევრები ესწრებოდნენ.
სოხუმის დაცემიდან დღეს 23 წელი გავიდა.