უკან
სამართალი
15 მარტი, 2018 12:25
გლდანში არასრულწლოვანის მიერ გასროლილ იარაღს ახალგაზრდა ქალი ემსხვერპლა
გლდანში, მოზარდს ცეცხლსასროლი იარაღი გაუვარდა, რასაც ახალგაზრდა ქალი ემსხვერპლა.
არსებული ინფორმაციით, გასროლა მაშინ მოხდა, როცა არასრულწლოვანი მამის კუთვნილ იარაღს ათამაშებდა.
ცეცხლსასროლი იარაღით მიყენებული ჭრილობით გარდაცვლილი 26 წლის ქალია, რომელიც მოზარდის ოჯახის მეზობლად ცხოვრობდა და მათთან სახლში სტუმრად იყო.
მომხდარზე გამოძიება შსს-მ სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
შემთხვევა ორი დღის წინ მოხდა.
ნინო ექვთიმიშვილი