უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
ეკონომიკა
გლობალური კონკურენტუნარიანობის ინდექსში საქართველომ 137 ქვეყანას შორის 67-ე ადგილი დაიკავა - ქვეყნის შედეგი 8 პუნქტით გაუარესებულია
მსოფლიო ეკონომიკურმა ფორუმმა 2017 წლის გლობალური კონკურენტუნარიანობის რეიტინგი გამოაქვეყნა. 137 ქვეყანას შორის საქართველომ 67-ე ადგილი დაიკავა.
საქართველო წინა წელთან შედარებით 8 ადგილით უკან დაიხია.
„ძირითადი ტენდენცია ევრაზიული ეკონომიკების უმრავლესობისთვის პოზიტიურია, თუმცა რეგიონის დაახლოების ნიშნები მცირეა. ყველაზე კონკურენტუნარიანი ეკონომიკები, მათ შორის რუსეთის ფედერაციის (5 პუნქტით წინ წაიწია და 38-ე ადგილზეა), ინარჩუნებენ უპირატესობას. წელს ყველაზე გაუმჯობესებულმა ევრაზიულმა ეკონომიკებმა დაიწყეს დაბალი ბაზებიდან: მოლდოვეთი 11 ადგილით წინ წაიწია და 89-ე ადგილზეა. დანარჩენები, რომლებმაც ბოლო წლებში დაწინაურდნენ, უკან დაიხიეს, მათ შორისაა საქართველო (67-ე ადგილი) და ყაზახეთი (57-ე ადგილი), რომლებმაც შესაბამისად 8 და 4 საფეხური დაკარგეს“, -ნათქვამია ანგარიშში.
2017 წლის მონაცემებით, 5 მთავარი ფაქტორი, რომელიც უარყოფით გავლენას ახდენს ქართული ეკონომიკის კონკურენტუნარიანობაზე არის სამუშაო ძალის არასაკმარისი კვალიფიკაცია, ფინანსებზე ხელმწისაწვდონმობა, ინფლაცია, ეროვნულ სამუშაო ძალაში სუსტი სამუშაო ეთიკა და არასაკმარისი პოტენციალი ინოვაციებისადმი.
რაც შეეხება რეგიონის სხვა ქვეყნებს, სომხეთმა 73-ე ადგილი დაიკავა, აზერბაიჯანმა - 35-ე, უკრაინამ -81-ე, ხოლო თურქეთმა - 53-ე.
ანგარიშის თანახმად, მსოფლიო მორიგი ფინანსური კრიზისის წინაშე დგას, რადგან პოლიტიკური ლიდერები ვერ ატარებენ სათანადო რეფორმებს.
მსოფლიოში ყველაზე კონკურენტუნარიანი ეკონომიკა შვეიცარიას აქვს. მოს მოსდევენ აშშ, სინგაპური, ჰოლანდია, გერმანია, ჰონგ კონგი, შვედეთი, დიდი ბრიტანეთი, იაპონია და ფინეთი.
ანა მებურიშვილი