მსოფლიო

გაერთიანებული სამეფოს თემთა პალატაში ბიძინა ივანიშვილის წინააღმდეგ სანქციების დაწესების შესახებ შუამდგომლობა შევიდა

გაერთიანებული სამეფოს თემთა პალატაში პარტია „ქართული ოცნების“ დამფუძნებლისა და საპატიო თავმჯდომარის, ბიძინა ივანიშვილის წინააღმდეგ სანქციების დაწესების შესახებ შუამდგომლობა შევიდა, - ამის შესახებ ინფორმაციას გაერთიანებული სამეფოს პარლამენტი ავრცელებს.

„პალატა გამოხატავს ღრმა შეშფოთებას საქართველოს ევროკავშირში გაწევრიანების პროცესის შეჩერების და მშვიდობიანი მომიტინგეების მიმართ გადამეტებული ძალის გამოყენების ზრდის გამო; გმობს ბიძინა ივანიშვილის როლს დემოკრატიის შესუსტებაში და საქართველოში რუსეთის გავლენის გაძლიერებაში; აღნიშნავს, რომ შეერთებულმა შტატებმა დააწესა სანქციები ივანიშვილზე და მოუწოდებს გაერთიანებული სამეფოს მთავრობას, იგივე ნაბიჯი გადადგას, რათა გამოხატოს მკაფიო პოზიცია დემოკრატიული უკუსვლის წინააღმდეგ; მოუწოდებს საქართველოსთან სტრატეგიული პარტნიორობის გადახედვას და ევროკავშირის პარტნიორებთან უფრო მჭიდრო კოორდინაციას რუსეთის ჩარევის წინააღმდეგ; და კვლავ ადასტურებს მხარდაჭერას ქართველი ხალხის დემოკრატიული მისწრაფებებისადმი“, - აღნიშნულია დოკუმენტში.

წინადადება თემთა პალატას 13 იანვარს წარედგინა. ამ დროისთვის მას პალატის 13 წევრი აწერს ხელს.