სამართალი

გოგი წულაია პატრულმა დააკავა

პარტია „თავისუფალი საქართველოს“ თანათავმჯდომარე გოგი წულაია ადმინისტრაციული სამართალდარღვევისთვის პატრულმა დააკავა.

მას ადმინისტრაციული სამართალდარღვევის კოდექსის 173-ე მუხლით, პოლიციელიელისთვის სამსახურებრივი მოვალეობის დროს სიტყვიერი შეურაცხყოფის მიყენებისთვის ადმინისტრაციული პატიმრობა ან ჯარიმის გადახდა ემუქრება.

ქუთაისის მერიის წინ ბრიფინგის მიმდინარეობის დროს პატრულის თანამშრომელმა გოგი წულაიას პირადობის მოწმობა მოსთხოვა, რაზეც პარტია „თავისუფალი საქართველოს“ თანათავმჯდომარემ მას განუცხადა, რომ მანქანაში ჰქონდა.

საპატრულო პოლიციის თანამშრომელმა წულაიას განუმარტა, რომ საგანგებო მდგომარეობის დროს პროტესტის უფლება არ ჰქონდა.

მცირედი შელაპარაკების შემდეგ, გამონათქვამისთვის „დედას გიტირებთ“ ოპოზიციონერს ხელბორკილები დაადეს და პოლიციის განყოფილებაში გადაიყვანეს.

გოგი წულაია სავალუტო პუნქტების დახურვის გადაწყვეტილებაში კორუფციის ნიშნებს ხედავს და სავალუტო პუნქტების დახურვას აპროტესტებს.

დღევანდელ ბრიფინგზე პარტია „თავისუფალი საქართველოს“ თანადავმჯდომარემ განაცხადა, რომ ხელისუფლება და საბანკო სისტემა ხალხის გაჭივრებაზე ხელს ითბობს.

წყარო: 1tv.ge