რეგიონები

გონიოში ავტოსაგზაო შემთხვევის შედეგად ორი ადამიანი დაიღუპა

გონიოში დღეს დილით მომხდარი ავტოსაგზაო შემთხვევის შედეგად ორი ადამიანი დაიღუპა, კიდევ ერთის მდგომარეობა კრიტიკულია, ის საავადმყოფოშია გადაყვანილი. ინფორმაციას აჭარის ტელევიზია ავრცელებს.

სარფი-გონიოს გზატკეცილზე, სასტუმრო "თემოსთან" ორი მსუბუქი ავტომანქანა ერთმანეთს შეეჯახა. შეჯახების შედეგად, "ოპელის" მარკის ავტომობილში მჯდარი ორი მგზავრი ადგილზევე გარდაიცვალა.

როგორც თვითმხილველები ამბობენ,"მერსედესის" მარკის ავტომობილის მძღოლმა, რომელიც მაღალი სიჩქარით მოძრაობდა, სავარაუდოდ საჭე ვერ დაიმორჩილა და "ოპელს" შეეჯახა.

ადგილზე მობილიზებული იყო სამაშველო სამსახური, სასწრაფო დახმარების ბრიგადები და საპატრულო პოლიცია.