საზოგადოება

გორელები გაზის გაორმაგებულ გადასახადებს აპროტესტებენ

გორში ადგილობრივი მოსახლეობა „საქგორგაზთან“ საპროტესტო აქციას მართავს. მათი უკმაყოფილება იმან გამოიწვია, რომ დეკემბრის ბოლოს ქალაქის მოსახლეობის დიდ ნაწილს გაზის გაორმაგებული გადასახადი მოუვიდა. როგორც ისინი აცხადებენ, გადასახადები ხელოვნურადაა გაზრდილი.

ადგილობრივი გაზმომარაგების კომპანია „სოკარის“ შვილობილია.

გორელებმა მანიფესტი შეიმუშავეს და ენერგოომბუდსმენს საქმით დაინტერესებისკენ მოუწოდეს. მათი თქმით, სანამ ამ საქმეში ენერგოომბუდსმენი არ ჩაერევა, ისინი გადასახადებს არ გადაიხდიან.