რეგიონები

გორის მერიასთან მოქალაქეებმა საკენკი და ფუნა მიიტანეს

გორის მერიასთან მოქალაქეებმა ქალაქის მერის, კონსტანტინე თავზარაშვილის განცხადება აგვისტოს ომთან დაკავშირებით გააპროტესტეს. შეკრებილებმა საკენკი და ფუნა მიიტანეს

"ჩვენ მოვითხოვთ ბოდიშის მოხდას გორის მერისგან. აქ მოვიტანეთ საკენკი და ფუნა. მერის მსგავსი განცხადებების შემდეგ ქვეყანა ეფლობა ფუნაში. მას აქვს ბოდიში მოსახდელი", - განაცხადეს აქციის მონაწილეებმა.

რადიო მოზაიკის ინფორმაციით, აქციის მონაწილეები მერთან შეხვედრას ითხოვდნენ, თუმცა თავზარაშვილი მათ სამსახურში არ დახვდათ.

მოქალაქეებმა ბოდიშის მოსახდელად მერს ვადა ექვს საათამდე მისცეს.

გორის მერი სკანდალში გაეხვა, როცა დევნილებთან შეხვედრაზე საქართველოს ყოფილი ხელისუფლება 2008 წელს ცხინვალის დაბომბვაში დაადანაშაულა.

„ჩვენთან არავინ არ იყო გაფრთხილებული. ხომ შეიძლებოდა, აქედან რომ ისვრი, იქიდანაც გამოგიშვან საპასუხოდ. აქ რა მოხდებოდა, წარმოგიდგენიათ, ხომ? ჩვენ მერე მეორე დილით გავიგეთ, რომ გავიღვიძეთ, რვაში, ეს რა ხდებოდა, დაიწყო... კაციშვილმა არ ვიცოდით. თქვენ არ იცოდით, ჰოო.

ამაზე კითხვას რომ უსმევთ, იმათაც რომ გამოესროლათ ჩვენ რომ აქედან დაბომბვა დავიწყეთ ,იმათაც რომ ერთი გამოესროლათ რა გვეშველებოდა?!...“, - თქვა თავზარაშვილმა.

გარდა ამისა, ომზე საუბროსას მან აშშ-ის ყოფილი სახელმწიფო მდივანი კონდოლიზა რაისი „ზანგად“