უახლესი ამბები
არქივი
პოლიტიკა
გორის მოქმედი მერი, „შენების მოძრაობის“ მერობის კანდიდატია, საკრებულოს თავმჯდომარეობის კანდიდატი კი, TV „თრიალეთის“ მფლობელი გახდა
„შენების მოძრაობამ“ გორში მერობის და საკრებულოს კანდიდატები წარადგინა.
მოძრაობიდან გორის მერობის კანდიდატი, მოქმედი გამგებელი დავით ონიაშვილი გახდა, ხოლო საკრებულოს სიის პირველი ნომერი და საკრებულოს თავმჯდომარეობის კანდიდატი - ტელეკომპანია „თრიალეთის“ მფლობელი ბადრი ნანიტაშვილია.
როგორც კანდიდატების წარდგენისას „შენების მოძრაობის“ ლიდერმა დავით უსუფაშვილმა აღნიშნა, მოძრაობას საქმეში გამობრძმედილი ადამიანები შეუერთდნენ.
„დავით ონიაშვილიმა უამრავი რამ გააკეთა გორის რაიონში ადგილობრივი მოსახლეობისთვის. ადამიანი, რომელიც პირველი დღიდან იყო პრინციპული, ხალხის მიერ არჩეული გამგებელი. სწორედ ამ პრინციპულობას ვერ პატიობდნენ ამ ხნის მანძილზე მას“,- განაცხადა დავით უსუფაშვილმა.
დავით ონიაშვილმა კი, მოსახლეობას მოუწოდა გამოიჩინონ მოქალაქეობრივი აქტივობა და დააფიქსირონ თავიანთი პოზიცია.
„ჩემი გამგებლობის პერიოდში დავიწყეთ უამრავი ისეთი პროექტი, რომელიც ეხება ჩვენ მომავალ თაობას. თუ მათ ღირსეული განათლება არ მივეცით, მომავალი იქნება ბუნდოვანი“,- აღნიშნა ონიაშვილმა.
ტელეკომპანია „თრიალეთის“ მფლობელი ბადრი ნანეტაშვილი გორის მერობისთვის ბრძოლას დამოუკიდებლად გეგმავდა და ის საოლქო საარჩევნო კომისიაში კანდიდატადაც იყო რეგისტრირებული.
დავით ონიაშვილი, კი გორის თემის მუნიციპალიტეტის გამგებელი 2014 წელს „ქართული ოცნებიდან „ გახდა.
მონიკა დავლიანიძე