რეგიონები

გორის ცენტრალურ მოედანზე ამერიკული საბრძოლო ჯავშანმანქანებმა გაიარეს

გორში ამერიკული საბრძოლო ჯავშანმანქანები გამოჩნდნენ.

ცოტა ხნის წინ მათ ცენტრალური მოედანი გაირეს, სადაც სტალინის ძეგლი რამდენიმე ათწლელული იდგა და სადაც აგვისტოს ომის დროს რუსული ჭურვები ცვიოდა.

ამერიკული ტექნიკის გამოჩენას ადგილობრივები საქართველოს და ამერიკის დროშებით შეხვდნენ.

ცნობისათვის, მრავალეროვნულ სამხედრო სწავლებისთვის „ღირსეული პარტნიორი" აშშ-ის ტექნიკის მორიგი ნაწილი ფოთის პორტში გუშინ შევიდა.

ფოთიდან ტექნიკა გორის გავლით წაიყვანეს თბილისში. თავდაცვის სამინისტროს ცნობით, ამერიკული საბრძოლო ჯავშანმანქანა „სთრაიკერი“ საერთაშორისო სწავლებაში მონაწილეობას პირველად მიიღებს. ,,ღირსეული პარტნიორი 2017” გუშინ ოფიციალურად გაიხსნა. დღეიდან კი ქართველი და უცხოელი სამხედროები თბილისის შემოგარენში სწავლებას დაიწყებენ.