საზოგადოება

გორში, სავარაუდოდ, ე.წ. ღორის გრიპით 38 წლის ქალი გარდაიცვალა

გორის მუნიციპალიტეტის სოფელ თორტიზაში მცხოვრები 38 წლის ქალი, სავარაუდოდ, H1N1 ტიპის ვირუსით გარდაიცვალა.

„რადიო მოზაიკას“ ინფორმაციით, ახალგაზრდა ქალი გრიპის სიმპტომებით კატასტროფის ცენტრმა ჯერ გორის სამხედრო ჰოსპიტალში გადაიყვანა, თუმცა იქ ვერ მიიღეს, რის შემდეგ ქალი „გორმედში“ გადაიყვანეს.

პაციენტს ძლიერი ცხელება და სუნთქვის უკმარისობა აღენიშნებოდა. ჩატარებული ინტენსიური ღონისძიებების მიუხედავად, ქალის გადარჩენა ვერ მოხერხდა.

ექიმების თქმით, ქალბატონმა სამედიცინო დაწესებულებას დაგვიანებით მიმართა.

ცნობისთვის, ბოლო პერიოდში H1N1 ტიპის ვირუსით ორი ადამიანი გარდაიცვალა.