საზოგადოება

გრძელდება მეხანძრე-მაშველების მუშაობა ობიექტზე, სადაც კერები კვლავაც არსებობს - ზვიად წიქაშვილი

შინაგან საქმეთა სამინისტროს საგანგებო სიტუაციების მართვის სააგენტოს დირექტორის, ზვიად წიქაშვილის განცხადებით, ,,ბავშვთა სამყაროს’’ ტერიტორიაზე გარკვეული კერების დაქრობითი სამუშაოები ჯერჯერობით არ დასრულებულა.

,,გრძელდება მეხანძრე-მაშველების მუშაობა ობიექტზე, სადაც კერები კვლავაც არსებობს. კერები არის ძირითადად შენობის უკანა ნაწილში და სარდაფის სართულზე, სადაც ამ ეტაპზეც ექსპერტები გვიკრძალავენ მეხანძრე-მაშველებს და ყოველგვარი გადაადგილება შენობაში იმ მონაკვეთებში აკრძალულია. მხოლოდ და მხოლოდ დაშვებულია ნებართვა ხალხის ეტაპობრივად შეყვანის იმ მონაკვეთში, სადაც ინახებოდა მათი ძვირფასეულობა, რომლის გამოტანაც გრძელდება’’, - განუცხადა ჟურნალისტებს წიქაშვილმა.

ნინო ექვთიმიშვილი