უკან

უახლესი ამბები

დღის კალენდარი

ანონსები

არქივი

პოლიტიკა

2 თებერვალი, 2018 13:15
font-size

გრიგორი კარასინი NATO-ზე: რუსეთი გააგრძელებს მუშაობას, რათა არარეგიონალური სამხედრო-პოლიტიკური ბლოკები არ მოუახლოვდნენ ჩვენს საზღვრებს

რუსეთის საგარეო საქმეთა მინისტრის მოადგილე, გრიგორი კარასინი საქართველოს პრემიერ-მინისტრის სპეციალურ წარმომადგენელ ზურაბ აბაშიძესთან პრაღაში 2 დღის წინ გამართულ შეხვედრას კონსტრუქციულს და გულახდილს უწოდებს.

როგორც რუსმა დიპლომატმა საინფორმაცია სააგენტო ,,ტასთან ინტერვიუში განაცხადა, შეხვედრაზე განიხილეს ორ ქვეყანას შორის არსებულ ურთიერთობის პოლიტიკური ასპექტები და პრაქტიკული საკითხები.

,,როგორც მოგეხსენებათ, საქართველოსა და რუსეთს შორის არსებული პრინციპული ხასიათის პრობლემები რჩება. ეს პრობლემები განსაკუთრებით რთულია და უპირველესად აფხაზეთსა და სამხრეთ ოსეთთან არის დაკავშირებული“, - განაცხადა კარასინმა.

მისი ინფორმაციით, მომდევნო შეხვედრა მარტის ბოლოს გაიმართება და სწორედ იქ განიხილავენ ამ ყველაფერს დეტალურად.

როგორც კარასინმა აღნიშნა, მხარეებმა 2017 წლის შედეგები ერთობლივად შეაჯამეს და შეთანხმდნენ, რომ ის საკმაოდ შთამბეჭდავად გამოიყურება.

,,მაგალითად, ორმხრივი ვაჭრობა 34%-ით გაიზარდა, რუსეთი ვაჭრობის მოცულობით საქართველოს მეორე პარტნიორი გახდა, ჩვენ ვყიდულობთ ღვინის პროდუქციის 2/3-ს და საკუთარ ბაზარზე გაგვაქვს“, - აღნიშნა კარასინმა.


ამასთან, კარასინის თქმით, მიმდინარეობს ზემო ლარსის გამშვები პუნქტის გაფართოება, რაც გააადვილებს როგორც პროცედურას, ისე გადამზიდი ტრანსპორტის რაოდენობას. მან აღნიშნა, რომ დადებითი დინამიკა არის საავიაციო მიმოსვლაშიც.

რუსეთის საგარეო საქმეთა მინისტრის მოადგილე ტურიზმის სფეროსაც შეეხო.


„2017 წლის ერთ-ერთი შედეგი გახდა საქართველოში ტურისტის სტატუსით ჩასული რუსი მოქალაქეების რაოდენობის ზრდა - დაახლოებით 1.4 მილიონი ადამიანით“, - დასძინა კარასინმა.

მისი თქმით, განსაკუთრებული ემოციურობით განიხილეს 2011 წელს გაფორმებული შეთანხმება საქართველოს მთავრობასა და რუსეთის ფედერაციის მთავრობას შორის საბაჟო ადმინისტრირებისა და სასაქონლო ვაჭრობის მონიტორინგის მექანიზმთან დაკავშირებული ძირითადი პრინციპების შესახებ.

„ცხადია, მოცემული დოკუმენტის ტექსტსა და შინაარსს ქართული და რუსული მხარეების მიერ გაკეთებული მთელი რიგი საჯარო განცხადებები განსხვავებულ ინტერპრეტირებას აძლევს, ამიტომაც დღეს მოგვიწია მისი სიტყვასიტყვით განხილვა და შევთანხმდით, როგორიც არ უნდა იყოს ინტერპრეტაციები, მთავარია დოკუმენტით გათვალისწინებული ყველა პუნქტი ზუსტად შესრულდეს“, - განაცხადა კარასინმა.

რუსმა დეპუტატმა აქვე აღნიშნა, რომ ქართული მხარის ინიციატივით სეხვედრაზე საუბარი შეეხო, რუსეთის მიერ ე.წ. სამხრეთ ოსეთთან გაფორმებულ ,,შეთანხმებასაც“, რომლის თანახმადაც, ოკუპირებული ცხინვალის ცალკეული სამხედრო შენაერთები რუსეთის ფედერაციის სამხედრო ძალების შემადგენლობაში უნდა შევიდნენ.

,,შეთანხმება მიმართულია ახალგაზრდა რესპუბლიკის თავდაცვისუნარიანობის გაძლიერებაზე და არავისთვის არავითარ საფრთხეს არ წარმოადგენს. ამ სამუშაოს ჩვენ მომავალშიც გავაგრძელებთ, საქართველოში ნატო-ს გააქტიურების გათვალისწინებით“, - აღნიშნა კარასინმა.

მისივე თქმით, რუსეთი ხედავს საქართველოში ნატო-სა და აშშ-ს გააქტიურებას და მათი მხრიდან თანამედროვე შეიარაღების მიწოდებას, რაც როგორც დიპლომატი ამბობს, რუსეთში, ე.წ. სამხრეთ ოსეთსა და აფხაზეთში შეშფოთებას იწვევს.

,,რაც შეეხება საქართველოს ალიანსში გაწევრიანების შესაძლებლობას, მოდით, მოვლენებს წინ ნუ გავუსწრებთ და დავრჩეთ ოპტიმისტებად. თავის მხრივ, რუსეთი გააგრძელებს მუშaობას იმაზე, რომ არარეგიონალური სამხედრო-პოლიტიკური ბლოკები არ მოუახლოვდნენ ჩვენს საზღვრებს და არ გაამძაფრონ ის სირთულეები, რომლებიც ისედაც არსებობს ჩვენს მეზობლებთან.

რუსეთმა და საქართველომ უნდა განავითარონ ორმხრივი ურთიერთობები და დაფიქრდნენ პოზიტიური დღის წესრიგის შექმნაზე“, - განაცხადა კარასინმა.

ნინო ექვთიმიშვილი

`საკანში ვიზიტის ვიდეოს გამოქვეყნება წულუკიანის გადაყენების საფუძველია`- არასამთავრობოების განცხადება

21 იანვარი, 2020 , 17:35

მესამე სექტორში აცხადებენ, რომ იუსტიციის მინისტრის ეს ქმედება მისი პოლიტიკური პასუხისმგებლობის დაყენების საფუძველი უნდა გახდეს. არასამთავრობო ორგანიზაციები შეშფოთებას გამოთქვამენ იმის გამო, რომ იუსტიციის მინისტრმა, თეა წ

სუს-ის უფროსი გრიგოლ ლილუაშვილი ტოივო კლაარს შეხვდა

21 იანვარი, 2020 , 17:35

სახელმწიფო უსაფრთხოების სამსახურის უფროსი გრიგოლ ლილუაშვილი სამხრეთ კავკასიასა და საქართველოში კრიზისის საკითხებში, ევროკავშირის სპეციალურ წარმომადგენელს და ჟენევის საერთაშირისო დისკუსიების თანათავმჯდომარეს – ტოივო

პრემიერ-მინისტრი დავოსის მსოფლიო ეკონომიკური ფორუმის გახსნის ოფიციალურ ცერემონიას დაესწრო

21 იანვარი, 2020 , 16:25

საქართველოს პრემიერ-მინისტრი გიორგი გახარია დავოსის მსოფლიო ეკონომიკურ ფორუმში მონაწილეობს. როგორც „მედიანიუსს“ პრემიერ-მინისტრის პრესსამსახურიდან აცნობეს, მთავრობის მეთაური ფორუმის გახსნის ოფიციალურ ცერემონი

საქართველოსათვის თანამედროვე ტექნოლოგიების სფეროში ისრაელთან თანამშრომლობა უაღრესად მნიშვნელოვანია - სალომე ზურაბიშვილი

21 იანვარი, 2020 , 16:25

საქართველოს პრეზიდენტი სალომე ზურაბიშვილი იერუსალიმში შიმონ პერესის მშვიდობისა და ინოვაციების ცენტრს ეწვია და თანამედროვე ტექნოლოგიების უახლეს მიღწევებს გაეცნო. პრეზიდენტის ადმინისტრაციის ინფორმაციით, ცენტრში, რომლის საქ

სალომე ზურაბიშვილი ისრაელში მსოფლიო ჰოლოკოსტის ფორუმში მიიღებს მონაწილეობას

21 იანვარი, 2020 , 11:35

საქართველოს პრეზიდენტი სალომე ზურაბიშვილი, მსოფლიო ლიდერებთან ერთად, იერუსალიმში ჰოლოკოსტის მსხვერპლთა ხსოვნის ცერემონიასა და მსოფლიო ჰოლოკოსტის მეხუთე ფორუმს დაესწრება. მსოფლიო ჰოლოკოსტის ფორუმზე მონაწილეობის მისაღებად

გიორგი გახარია დავოსის მსოფლიო ეკონომიკურ ფორუმში მიიღებს მონაწილეობას

21 იანვარი, 2020 , 11:35

საქართველოს პრემიერ-მინისტრი გიორგი გახარია დავოსის მსოფლიო ეკონომიკურ ფორუმში მიიღებს მონაწილეობას. საქართველოს მთავრობის მეთაური დავოსში დღეს ჩავა. საქართველოს პრემიერ-მინისტრის პრესსამსახურის ინფორმაციით, გაიმართება მ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`