საზოგადოება

გუდიაშვილის მოედანზე სარეაბილიტაციო სამუშაოები იწყება

დღეს გუდიაშვილის მოედანზე სარეაბილიტაციო სამუშაოები იწყება. ამის შესახებ ინფორმაცია თბილისის მერმა კახი კალაძემ სოციალურ ქსელში ვიდეომიმართვით გაავრცელა.

მისი თქმით, ყველნაირი მზაობაა რომ სამუშაოები დაიწყონ.

"შეგახსენებთ, ეს ის ადგილია, რომელიც ერთგვარ სიმბოლოდ იქცა თბილისზე მოამაგე ადამიანებისთვის, ისინი წლებია ინარჩუნებდნენ ამ მოედანს და იცავდნენ მას. მე ყოველთვის ვამბობდი და ახლაც გავიმეორებ- თბილისი ნამდვილად არის პოლიტიკის მიღმა, თბილისი ჩვენი სახლია და მის სამსახურში ერთმანეთს უნდა დავუდგეთ მხარში. ყველას, ვინც ზრუნავდა ამ კონკრეტული მოედნის შენარჩუნებაზე, მათ შორის "ტფილისის ჰამქარი", ხელოვნებათმცოდნეები, ისტორიკოსები, მხატვრები, მწერლები, სხვადასხვა პროფესიისა და ასაკის ადამიანები, ყველას, ვინც ერთხელ მაინც შეწუხებულა და დაინტერესეულა ამ მოედნის ბედით, ხვალ 14:00 საათზე ყველას გიწვევთ აქ სარეაბილიტაციო სამუშაოების დაწყების აღსანიშნავად,“ - განაცხადა თბილისის მერმა.

კალაძის თქმით, ისტორიული თბილისის რეაბილიტაცია ძალიან მნიშვნელოვანია. მან აღნიშნა, რომ მომავალში , დაახლოებით, 500 მლ ლარს დახარჯავენ, რათა შეინარჩუნონ ის სიმდიდრე, რაც თბილისს გააჩნია თავისი ისტორიული შენობა ნაგებობებითა და უბნებით.

ცირა გურგენიძე