უკან

უახლესი ამბები

დღის კალენდარი

ანონსები

არქივი

პოლიტიკა

28 მაისი, 2018 15:50
font-size

გულდასაწყვეტია, რომ „ნაციონალური მოძრაობის“ ლიდერები უტიფრად იყენებენ ამ ოჯახის მწუხარებას - კახა კალაძე

„მესმის ზაზა სარალიძის ტკივილი, ვიცი, რამდენად მძიმეა ეს ყველაფერი, რადგან საკუთარ თავზე მაქვს გამოცდილი, ჩემს ოჯახსაც გამოვლილი აქვს ეს უბედურება და მტერსაც არ ვუსურვებ ამის გამოცდას“, - განაცხადა თბილისი მერმა კახა კალაძემ.

მისი თქმით, „გულდასაწყვეტია“, რომ „ნაციონალური მოძრაობის“ წევრები ცდილობენ, საკუთარი ინტერესებისთვის გამოიყენონ ხორავას ქუჩაზე მომხდარი მკვლელობის საქმე.

„თან არჩევნები ახლოვდება და ამ თემის გამოყენებას ცდილობენ. მათ მორალური უფლება არ აქვთ, ამ ყველაფერზე ილაპარაკონ. ძალიან ცუდია ის, რაც მოხდა, ნამდვილად გულდასაწყვეტია. გულდასაწყვეტია ისიც, რომ „ნაციონალური მოძრაობის“ ლიდერები უტიფრად იყენებენ ამ ოჯახის მწუხარებას, ტკივილს და უნდათ, რომ თავიანთი ვიწროპარტიული ინტერესებისთვის გამოიყენონ, თუმცა, ჩვენ, საზოგადოებამ არ უნდა მივცეთ ამის უფლება და შესაძლებლობა. რაც შეეხება საქმის გამოძიებას, მიმდინარეობს და საზოგადოებაში თუ არის კითხვის ნიშნები, ამ კითხვებს აბსოლუტურად ამომწურავი პასუხი გაეცემა პროკურატურის მხრიდან. თუ იყო გაურკვევლობა კომუნიკაციის თვალსაზრისით, ესეც გამოსწორებადია. უბრალოდ, „ნაციონალურ მოძრაობას“ ნამდვილად არ აქვს უფლება, ისაუბროს ასეთ სენსიტიურ საკითხებზე. ესენი არიან რეჟიმის წარმომადგენლები, რომლის სახელზე არის გირგვლიანის მკვლელობა, რობაქიძე და აღარ გავაგრძელებ, არ მინდა წარსულზე საუბარი. ყველამ იცის წლების განმავლობაში, რა დამოკიდებულება და მიდგომები იყო",- განაცხადა კალაძემ.

„ნაციონალური მოძრაობის“ ერთ-ერთმა ლიდერმა, ნიკა მელიამ დედაქალაქის მერი კახა კალაძე გააკრიტიკა იმ განცხადების გამო, რომელიც ეხებოდა გუშინ, პარლამენტის წინ გამართულ აქციას სახელწოდებით #ნუმომკლავ, რომლის მონაწილეებმა ხორავას ქუჩაზე მომხდარი მკვლელობის ორგანიზატორებისა და მათი მკვლელობის დაფარვის მონაწილეების დასჯა მოითხოვეს.

მელიამ აღნიშნა, რომ კალაძემ გირგვლიანის საქმის გახსენებით გაათანაბრა ეს მკვლელობა ხორავას ქუჩაზე მომხდარ გარჩევასთან. გარდა ამისა, პოლიტიკოსმა დაადანაშაულა თბილისის მერი გირგვლიანის საქმით სპეკულირებაში.

„ენმ“-ის ლიდერმა დასძინა, რომ როგორც წინა სახელისუფლებო გუნდმა აგო პასუხი გირგვლიანის საქმის გამო, ისეთივე ბედი ელოდება „ქართული ოცნების“ მთავრობასაც ხორავას ქუჩაზე მომხდარი მკვლელობის გამო.

თბილისის მერი აქციას სახელწოდებით #ნუმომკლავ სოციალურ ქსელში გამოეხმაურა. მან სოლიდარობა გამოუცხადა ხორავას ქუჩაზე მოკლული დავით სარალიძის მამას, ზაზა სარალიძეს. მან გაიხსენა სანდრო გირგვლიანის მკვლელობის საქმე და აღნიშნა, რომ წინა ხელისუფლების პირობებში მოკლულის დედამ სამართალი ვერ იპოვა. კალაძემ „ნაციონალური მოძრაობის“ წევრები გააკრიტიკა და მოსახლეობისადმი „ცინიკურ დამოკიდებულებაში“ დაადანაშაულა.

გუშინდელი აქცია ხორავას ქუჩაზე მოკლული დავით სარალიძის მამის, ზაზა სარალიძის ორგანიზებით ჩატარდა. მან შეკრებილებს მიმართა და სთხოვა, არ დაუშვან ახალგაზრდების სისხლისღვრა. მისი ინფორმაციით, დამოუკიდებელმა ექსპერტიზამ დაადასტურა, რომ მკვლელობის დროს ორი დანის გარდა კიდევ სხვა საგნები იყო გამოყენებული. სარალიძემ დასძინა, რომ სამხარაულის ექსპერტიზის ბიურომ ერთ-ერთი დანა გაანადგურა, ხოლო პროკურატურა მის დისკრედიტაციას ცდილობს.

აქციას შეუერთდა პანკისის ხეობის სოფელ დუისში ჩატარებული სპეცოპერაციის შედეგად მოკლული თემირლან მაჩალიკაშვილის მამა, მალხაზ მაჩალიკაშვილი, ასევე ყოფილი სახალხო დამცველი უჩა ნანუაშვილი და სხვადასხვა პოლიტიკური პარტიის წარმომადგენლები. ზაზა სარალიძეს სოლიდარობა გამოუცხადეს ძიუდოისტებმა, რომლებმაც გუშინ მორიგი აქცია გამართეს ძიუდოს ფედერაციის ხელმძღვანელის, დავით ქევხიშვილის გადადგომის მოთხოვნით.

ცნობისთვის, ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, მომდევნო დღეს საავადმყოფოში დაიღუპა.

ვფიქრობ, რომ პროტესტი სპონტანური იყო - იმ მომენტამდე, სანამ ის პოლიტიზირებული გახდებოდა - სალომე ზურაბიშვილი

13 ივლისი, 2019 , 13:18

საქართველომ საბოლოოდ და ოფიციალურად უარი თქვა ძალის გამოყენებაზე - და ამაში ჩანს ჩვენი რეალისტური მიდგომა ვითარებისადმი, - ამის შესახებ საქართველოს პრეზიდენტმა სალომე ზურაბიშვილმა „დოიჩე ველესთან“ ინტერვიუში

20 ივნისს შსს-ს წარმომადგენლების მიერ შესაძლო უფლებამოსილებების გადამეტებას გენერალური პროკურატურა იძიებს -ანრი ოხანაშვილი

13 ივლისი, 2019 , 12:40

ლოგიკურია, რომ შინაგან საქმეთა სამინისტროს წარმომადგენლების მიერ შესაძლო უფლებამოსილებათა გადამეტებას, თუ სხვა ქმედებების ჩადენას, შსს ვერ გამოიძიებს იმიტომ, რომ გაჩნდება კითხვის ნიშნები. ამიტომ, საქართველოს კანონმდებლობ

კონფერენციაზე საქართველო კიდევ ერთხელ იქნა წარმოჩენილი, როგორც ლიდერი ქვეყანა - დავით ზალკალიანი

12 ივლისი, 2019 , 17:15

„ვფიქრობ, რომ ბათუმის კონფერენციამ თავის მიზანს მიაღწია და ეს იყო მართლაც უპრეცედენტო და უაღრესად მასშტაბური კონფერენცია, ჩვენ ასეთი ტიპის კონფერენცია, შეიძლება ითქვას, რომ არც გვქონია, გამომდინარე სტუმრების მაღალი

პრეზიდენტ ტუსკის სიტყვები ჩვენთვის იყო გამამხნევებელი ახალი და გაბედული ნაბიჯების გადასადგმელად - მაია ცქიტიშვილი

12 ივლისი, 2019 , 13:11

ახალგაზრდები, რომლებიც აღიზარდნენ თანამედროვე საქართველოში, თავს აღიქვამენ ევროპის ნაწილად და ჩვენს ამოცანად მიმაჩნია დავეხმაროთ მათ ამ შეგრძნების რეალიზებაში, - აღნიშნა საქართველოს ვიცე-პრემიერმა მაია ცქიტიშვილმა &bdquo

„ევროპული საქართველო“ პროპორციულ სისტემაზე გადასვლას მხარს უჭერს

11 ივლისი, 2019 , 17:21

„ევროპული საქართველო“ მხარს უჭერს პროპორციულ სისტემაზე გადასვლას და შესაბამისად, მხარს უჭერს წარმოდგენილ კანონპროექტს - ამის შესახებ პარტიის ერთ-ერთმა ლიდერმა, დავით ბაქრაძემ განაცხადა. ბაქრაძე "ქართულ ოცნება

ქართველი ხალხი ევროპისაგან მეტ მხარდაჭერას ელის - სალომე ზურაბიშვილი

11 ივლისი, 2019 , 16:00

საქართველოს პრეზიდენტის, სალომე ზურაბიშვილის განცხადებით, მაშინ როდესაც მადლობას გამოვხატავთ, იმ გადაწყვეტილების მიმართ, რომელიც ევროპამ მიიღო ჩვენს დაახლოებასთან დაკავშირებით, ქართველი ხალხის გზავნილია, რომ ისინი ასევე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს