პოლიტიკა

გუნდში სამინისტროების შემცირებაზე მსჯელობა მიმდინარეობს - კახა კალაძე

თბილისის მერისა და „ქართული ოცნების“ გენერალური მდივნის, კახა კალაძის ინფორმაციით, მმართველ გუნდში სამინისტროების შემცირებაზე მსჯელობენ.

როგორც მან ჟურნალისტებს განუცხადა, მინისტრთა კაბინეტის ახალი წევრების შესახებ ინფორმაცია დღეს ან ხვალ გახდება ცნობილი.

„მინისტრთა კაბინეტის დაკომპლექტებაზე გუნდში მსჯელობა დაწყებულია. ძალიან მალე, ცნობილი იქნება საზოგადოებისთვის, თუ ვინ იქნება პრემიერ-მინისტრობის კანდიდატის მიერ წარმოდგენილი. რაც შეეხება სამინისტროების შემცირებას, გუნდში მსჯელობა ამაზეც მიმდინარეობს. ესეც ცნობილი იქნება საზოგადოებისთვის“, - განაცხადა კალაძემ.