უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
სამართალი
გუშაგმა განახორციელა კანონით გათვალისწინებული ყველა ქმედება - სამხედრო ექსპერტი
სამხედრო ექსპერტი, ამირან სალუქვაძე კრწანისის სასწავლო ცენტრში მომხდარ ფაქტს ეხმიანება, რა დროსაც 23 წლის გიგა შენგელია დაიღუპა.
მისი შეფასებით, თავდაცვის სამინისტროს არანაირი ინტერესი არ აქვს, რომ ძიება არასწორად წარიმართოს.
„ჯარისკაცი, როცა საგუშაგოზე გადის, მას უტარდება ყველანაირი შემოწმება. ის აუცილებლად გააფრთხილებდა თავის ზემდგომს, როცა ტერიტორიაზე უცხო პირს შეამჩნევდა. მე მჯერა, რომ შესაბამისი უწყებები აუცილებლად ობიექტურად გამოიძიებენ მომხდარს. ერთია მუნდირის ღირსება, მაგრამ მიუხედავად ამისა, მჯერა, რომ საქმეს ყოველგვარი ტენდენციის გარეშე მიეცემა მსვლელობა”, – განაცხადა ამირან სალუქვაძემ დღვანდელ პრესკონფერენციაზე.
ექსპერტი არ გამორიცხავს, რომ გამოძიების პროცესში საქმის კვალიფიკაცია შეიცვალოს.
,,გუშაგმა განახორციელა კანონით გათვალისწინებული ყველა ქმედება, გააფრთხილა სიტყვიერად, მოახდინა გამაფრთხილებელი გასროლა და მხოლოდ ამის შემდეგ გამოიყენა იარაღი. გამოძიება ალბათ ბევრ კითხვაზე გასცემს პასუხს.
პროცესში შეიძლება კვალიფიკაცია შეიცვალოს, შეიძლება გუშაგის სასარგებლოდ და შეიძლება პირიქით დამძიმდეს მის მიმართ მუხლი. ამას გამოძიება გვაჩვენებს.
ცნობისათვის: წვრთნებისა და სამხედრო განათლების მხარდაჭერი ცენტრის „კრწანისის“ ტერიტორიაზე, უცხო პირების შეჭრის ფაქტზე, თავდაცვის სამინისტროს სამხედრო პოლიციის დეპარტამენტმა გამოძიება სისხლის სამართლის კოდექსის 116-ე მუხლის 1 ნაწილით დაიწყო (გაუფრთხილებლობით სიცოცხლის მოსპობა).
ნინო ექვთიმიშვილი