უკან

უახლესი ამბები

დღის კალენდარი

ანონსები

არქივი

სამართალი

7 დეკემბერი, 2018 16:25
font-size

გუშინ სტრასბურგში კიდევ ერთხელ მიიღეს გადაწყვეტილება, რომ მერაბიშვილის საპატიმროდან გათავისუფლების ინსტრუქციის მიცემის აუცილებლობა საქართველოს მთავრობისთვის არ არსებობს - თეა წულუკიანი

იუსტიციის მინისტრის, თეა წულუკიანის მტკიცებით, ევროპის საბჭოს მინისტრთა კომიტეტს ეჭვქვეშ არ დაუყენებია შს ყოფილი მინისტრის, ვანო მერაბიშვილის საქმეზე დამდგარი განაჩენი.

მინისტრის თქმით, სტრასბურგის სასამართლოს გადაწყვეტილებით, მერაბიშვილის გათავისუფლების შესახებ რეკომენდაცია გაცემული არ არის.

„თუკი გუშინ გამოქვეყნებულ გადაწყვეტილებაში მინისტრთა კომიტეტმა ჩვენ მთავრობას დაგვავალა, რომ ვანო მერაბიშვილი უნდა ყოფილიყო გათავისუფლებული, რატომ არის მერაბიშვილი საპატიმროში?

პატიმრობა ორ კონკრეტულ საქმეზე იყო კანონიერი, რადგან სწორედ ამას ასაჩივრებდა მერაბიშვილი სტრასბურგის სასამართლოში. და ასევე ითქვა, რომ მისასალმებელია ის ფაქტი, რომ ერთ ეპიზოდზე, სადაც დადგინდა დარღვევა, ეს არის საკნიდან გაყვანის სავარაუდო ეპიზოდი, გამოძიება არის განახლებული.

გუშინ სტრასბურგში კიდევ ერთხელ იქნა მიღებული გადაწყვეტილება, რომ მერაბიშვილის საპატიმროდან გათავისუფლების ინსტრუქციის, დავალების, თუ გნებავთ, რჩევის მიცემის აუცილებლობა საქართველოს მთავრობისთვის არ არსებობს“, -განაცხადა წულუკიანმა.

ცნობისთვის, სტრასბურგის სასამართლოს გადაწყვეტილებების აღსრულებაზე ზედამხედველმა ორგანომ, ევროპის საბჭოს მინისტრთა კომიტეტმა გადაწყვეტილება მიიღო, განაახლოს მერაბიშვილის საქმის შესწავლა 1348-ე სხდომაზე, რომელიც არა უგვიანეს 2019 წლის ივნისში გაიმართება.

კომიტეტის დასკვნის თანახმად, აღნიშნული საქმე ეხება მე-5 მუხლის მე-3 ნაწილის დარღვევას, ვინაიდან არ არსებობდა ივანე მერაბიშვილის წინასწარ პატიმრობაში დატოვების საკმარისად დასაბუთებული სასამართლო გადაწყვეტილებები და მე-18 მუხლის დარღვევას (მე-5 მუხლის 1-ელ ნაწილთან ერთად), ვინაიდან აღმოჩნდა, რომ წინასწარი პატიმრობა მთავარი პროკურორის მიერ იყო გამოყენებული მერაბიშვილზე ზეწოლის განსახორციელებლად, რათა მას ინფორმაცია მიეწოდებინა იმ საკითხებზე, რომელიც კავშირში არ იყო მის წინააღმდეგ აღძრულ საქმესთან.

დასკვნაში აღნიშნულია, რომ ივანე მერაბიშვილი შეჯამებულ სასჯელს იხდის, რომელიც 2020 წლის თებერვალში იწურება, რაც რიგი სასჯელების შედეგია იმ დანაშაულებისთვის, რომელიც კავშირში არ არის აღნიშნულ საქმესთან. კომიტეტმა ასევე ყურადღება გაამახვილა იმ ფაქტზე, რომ ახალი გამოძიება დაიწყო მე-18 მუხლის დარღვევის ფაქტებზე და მოუწოდა ხელისუფლებას, უზრუნველყოს გამოძიება ისე, რომ ინსტიტუციონალურად და პრაქტიკულად დამოუკიდებელი იყოს, შეძლოს პასუხისმგებელი პირების იდენტიფიცირება და სისხლის სამართლის პასუხისმგებლობაში მათი მიცემა; საკმარისად ფართო იყოს, რათა დადგინდეს, ჰქონდათ თუ არა მოვლენებს რამე სახის ზეგავლენა სისხლის სამართალწარმოებაზე და ეს გამოძიება სათანადოდ და სწრაფად დასრულდეს. ასევე მოუწოდებს ხელისუფლებას, უზრუნველყოს ინფორმაცია აღნიშნულ საკითხებზე.

ბრალს არ ვაღიარებ - ოთარ ფარცხალაძე

23 მაისი, 2019 , 14:40

ლაშა თორდიაზე თავდასხმის საქმეზე დღეს სასამართლომ მხარეების შესავალი სიტყვა მოისმინა. პროცესს რამდენიმეთვიანი პაუზის შემდეგ საქმეში ბრალდებული ოთარ ფარცხალაძეც დაესწრო. მან სხდომის დასრულების შემდეგ ვრცელი კომენტარი არ გ

უაქციზო თამბაქოს ნაწარმის შენახვა-გადაზიდვის 8 ფაქტი გამოავლინდა

23 მაისი, 2019 , 13:50

საქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის წარმომადგენლებთან კოორდინაციით, მარკირებას დაქვემდებარებული განსაკუთრებით დიდი ოდენობით აქციზური საქონლის, აქციზური მარკის გ

ოთარ ფარცხალაძე სასამართლოში მივიდა

23 მაისი, 2019 , 12:40

თბილისის საქალაქო სასამართლოში ყოფილი სახელმწიფო აუდიტორის, ლაშა თორდიაზე თავდასხმის საქმის არსებითი განხილვა დაიწყო. რამდენიმეთვიანი პაუზის შემდეგ, ოთარ ფარცხალაძე სასამართლოში მივიდა. მან ჟურნალისტების შეკითხვებს არ უპ

ბავშვის მკვლელობისთვის დაკავებულ დედას ბრალი ოფიციალურად წარედგინა- აღკვეთის შეფარდებაზე სასამართლო დღეს იმსჯელებს

23 მაისი, 2019 , 10:31

სოფელ აღაიანში ბავშვის მკვლელობისთვის დაკავებულ დედას ბრალი ოფიციალურად წარედგინა. 16 წლის დედისთვის ბრალის წარდგენა გორის პოლიციაში, წინასწარი დაკავების იზოლატორში მოხდა. არასრულწლოვანს ბრალი წაუყენეს მე-11 პრიმა 109-ე

გენერალური პროკურატურა მსჯავრდებულ დ.ღ-სთან დაკავშირებით განცხადებას ავრცელებს

22 მაისი, 2019 , 20:06

გენერალური პროკურატურა ხორავას ქუჩაზე მომხდარი მკვლელობის საქმეზე ცრუ ჩვენებისთვის მსჯავრდებულ დ.ღ-სთან დაკავშირებით განცხადებას ავრცელებს. როგორც განცხადებაშია ნათქვამი, თბილისის საქალაქო სასამართლომ სრულად გაიზიარა ბრა

ხორავას ქუჩაზე მომხდარ მკვლელობაზე ცრუ ჩვენების მიცემაში ბრალდებულს პატიმრობა შეეფარდა

22 მაისი, 2019 , 18:27

ხორავას ქუჩაზე მომხდარ მკვლელობაზე ცრუ ჩვენების მიცემაში ბრალდებულ დ. ღ-ს პატიმრობა მიესაჯა. სასამართლოს გადაწყვეტილებით, მას სასჯელის სახით, 2 წელი და 3 თვე განესაზღვრა. დ.ღ. სასამართლო დარბაზში დააკავეს. სასამართლოს გა