უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
პოლიტიკა
გუშინ ვნახეთ „ქართული ოცნება“ , რომელიც ბოლომდე შეეკრა კრიმინალურ სამყაროს, ესაა ყველაზე საგანგაშო გარიგება, რომელიც „ქურდულ სამყაროსთან“ დადეს - გიორგი ვაშაძე
გრიგოლ ვაშაძის საარჩევნო შტაბის ხელმძღვანელმა, გიორგი ვაშაძემ საპრეზიდენტო არჩევნების მეორე ტურის შეფასებისას განაცხადა, რომ „ქართული ოცნება“ ბოლომდე შეეკრა კრიმინალურ სამყაროს. როგორც მან დღევანდელ პრესკონფერენციაზე თქვა, საჯარო მოხელეები და კრიმინალები საარჩევნო უბნებთან „გვერდი-გვერდ იდგნენ“.
„ტოტალური მოსყიდვის, ძალადობის, დაშინების მიუხედავად, ადამიანების ასეთი რაოდენობა მოვიდა და გაერთიანებული ოპოზიციის კანდიდატს დაუჭირა მხარი. დიდი მადლობა, ხალხო, ძალიან მაგრები ხართ. მადლობა იმ შეუპოვარი ბრძოლისთვის, რომელიც ჩვენ გუშინ ვაჩვენეთ. „ქართული ოცნების“ მხრიდან რამდენიმე კომპონენტისგან შემდგარი ძალადობა გვქონდა - 1. ადამიანების მასობრივი მოსყიდვა, 2. ადმინისტრაციული რესურსის გამოყენება, 3. ამომრჩევლის ნების გამოხატვაზე პირდაპირი ძალადობა, როცა ადამიანებს აიძულებდნენ, ბიულეტენები ეჩვენებინათ 4. გაყალბება, როგორც პირადობების მოწმობების ასევე ე.წ. კარუსელების ტრიალი საარჩევნო უბნებზე 5. ჩვენ გუშინ ვნახეთ „ქართული ოცნება“, რომელიც ბოლომდე შეეკრა კრიმინალურ სამყაროს, გვერდი-გვერდ იდგნენ საჯარო მოხელეები და კრიმინალები საარჩევნო უბნებთან. ესაა ყველაზე საგანგაშო გარიგება, რომელიც „ქურდულ სამყაროსთან“ დადეს. მიუხედავად ამისა, იქ, სადაც ამ კომპონენტებმა ვერ იმუშავა, ანუ საქართველოს ფარგლებს გარეთ, ჩვენ მოვიგეთ“, - განაცხადა ვაშაძემ.
მან ასევე ყურადღება გაამახვილა ავღანეთში დამდგარ შედეგზეც და აღნიშნა, რომ გრიგოლ ვაშაძის გამარჯვება მიუთითებს იმაზე, რომ სალომე ზურაბიშვილი შეიარაღებული ძალებისთვის მისაღები კანდიდატი არაა.