უკან

უახლესი ამბები

დღის კალენდარი

ანონსები

არქივი

კონფლიქტის ზონა

5 მარტი, 2018 12:10
font-size

გვაქვს ინფორმაცია, რომ ძალიან გაძლიერდა ზეწოლა ოკუპირებულ რეგიონში მცხოვრებ მოსახლეობაზე- ომბუდსმენი

საქართველოს სახალხო დამცველი ნინო ლომჯარია წილკანში ჩავიდა, სადაც ცხინვალში დაღუპული არჩილ ტატუნაშვილისა და ერთ-ერთი დაკავებულის, იოსებ პავლიაშვილის ოჯახებს შეხვდა.

როგორც ომბუდსმენმა ჟურნალისტებს განუცხადა, დაღუპულის ოჯახი ცხედრის გადმოსვენების ვადებთან დაკავშირებით კონკრეტულ ინფორმაციას არ ფლობს, თუმცა პრემიერ-მინისტრისა და საქართველოს საპატრიარქოს გუშინდელი განცხადებების შემდეგ დაიმედებულია.

“მათთვის დღეს ყველაზე მთავარი ცხედრის დროული გადმოცემაა. ყველა სხვა დანარჩენზე ისინი არ საუბრობენ. მთავარია, რომ ოჯახმა მიიღოს ცხედარი და სხვა ტიპის განცხადებებს ისინი ერიდებიან, რადგან არ სურთ, რაიმე გამწვავდეს მოლაპარაკებების განმავლობაში”,- აცხადებს ლომჯარია.

სახალხო დამცველის თქმითვე, ოჯახს ხელისუფლების მუშაობასთან დაკავშირებით შენიშვნები არ აქვს.
“მე დავუსვი ეს შეკითხვები, ისინი კმაყოფილები არიან ყურადღებით და ამბობენ, რომ ამ ვითარებაში, რაც შეიძლება რომ გაკეთდეს, კეთდება და მთავარი ახლა არის, რომ მოლაპარაკებებს ცხედრის გადმოცემასთან დაკავშირებით ხელი არ შეეშალოს”,- ამბობს ნინო ლომჯარია.

ამასთან, როგორც სახალხო დამცველმა აღნიშნა, ომბუდსმენის ოფისისთვის ფაქტის შემდეგ კონტაქტი ოკუპირებულ რეგიონთან გართულდა.

“კონტაქტი არის მაქსიმალურად შეზღუდული და თუნდაც, თუკი სხვა შემთხვევების დროს უფრო მეტ ინფორმაციას ვიღებდით, ახლა უფრო მეტად გაჭირდა ინფორმაციის მიღება. ჩვენ გვაქვს ინფორმაცია, რომ ძალიან გაძლიერდა ზეწოლა იქ მცხოვრებ მოსახლეობაზე, ფაქტობრივად ყოველ წუთას ხდება მათი შეჩერება, ჩხრეკა, გადაყვანა და ეს ძალიან დიდ ფსიქოლოგიურ ზეწოლას უკავშირდება. საზოგადოებას ეშინია გარკვეული პროვოკაციების, აქედან გამომდინარე გართულებულია ინფორმაციის მიღებაც”, – განაცხადა ნინო ლომჯარიამ.

ნინო ექვთიმიშვილი

ოკუპირებული ცხინვალის ე.წ. სასამართლომ გენადი ბესტაევს 3 წლით პატიმრობა მიუსაჯა

2 მარტი, 2021 , 17:15

რუსეთის საოკუპაციო ძალების მიერ 2019 წლის 21 ნოემბერს უკანონოდ დაკავებულ გენადი ბესტაევს, ოკუპირებული ცხინვალის ე.წ. სასამართლომ, 3 წლით უკანონო პატიმრობა მიუსაჯა. ამის შესახებ ინფორმაციას სახელმწიფო უსაფრთხოების სამსახუ

სიტუაცია ძალიან რთულია, სწორედ ამიტომ იყო ჩემთვის მნიშვნელოვანი მეთქვა ადგილობრივებისთვის, რომ მარტო არ არიან - შარლ მიშელი

1 მარტი, 2021 , 16:32

"ჩემთვის მნიშვნელოვანია, ადგილობრივებისთვის მეთქვა, რომ მარტო არ არიან" - ამის შესახებ განცხადება ევროპული საბჭოს პრეზიდენტმა, შარლ მიშელმა საოკუპაციო ხაზთან ხურვალეთში ვიზიტის დროს გააკეთა. როგორც მან ჟურნალისტებთან საუ

„თაობები ოკუპაციის წინააღმდეგ“ - თეა ახვლედიანი დევნილ და გამყოფი ხაზთან მცხოვრებ სტუდენტებს შეხვდა

26 თებერვალი, 2021 , 16:46

„თაობები ოკუპაციის წინააღმდეგ“ - ამ სახელწოდებით საქართველოს დემოკრატიული რესპუბლიკის საბჭოთა ოკუპაციის 100 წლისთავისადმი მიძღვნილი კვირეულის ფარგლებში, შერიგებისა და სამოქალაქო თანასწორობის საკითხებში სახელმ

ზაზა გახელაძის ოჯახი სხვილოს ციხესთან აქტივისტების დაგეგმილ აქციას არ შეუერთდება

13 თებერვალი, 2021 , 14:18

სხვილოს ციხესთან აქტივისტების დაგეგმილ აქციას საოკუპაციო რეჟიმის მიერ უკანონოდ დაკავებული ზაზა გახელაძის ოჯახი არ შეუერთდება. როგორც ზაზა გახელაძის მეუღლემ, ირმა ბუთხუზმა საზოგადოებრივ მაუწყებელს განუცხადა, ოჯახი აქციებშ

ამერიკის შეერთებული შტატები მკაცრად გმობს ზაზა გახელაძის დაპატიმრებას

12 თებერვალი, 2021 , 11:30

ამერიკის შეერთებული შტატები მკაცრად გმობს ზაზა გახელაძის 12 წლითა და 6 თვით დაპატიმრებას. ამის შესახებ განცხადებას აშშ-ის მისია ეუთოში ავრცელებს. მისიის შეფასებით, გახელაძეს არ დაჭრიდნენ და არ დააკავებდნენ, თუ რუსეთი 200

საოკუპაციო რეჟიმის მიერ უკანონოდ დაკავებული ერიკ დრულევი თავისუფალია

11 თებერვალი, 2021 , 19:05

ოკუპირებული ცხინვალის რეგიონის საოკუპაციო რეჟიმის მიერ უკანონოდ დაკავებული ერიკ დრულევი თავისუფალია. როგორც სახელმწიფო უსაფრთხოების სამსახურის მიერ გავრცელებულ განცხადებაშია აღნიშნული, იგი საოკუპაციო ძალებმა 2021 წლის 5