კომენტარი

გვარამიას მიერ დაანონსებულ მიტინგზე არავინ მივა - თემურ ჭკუასელი

უმრავლესობის წევრის, თემურ ჭკუასელის განცხადებით, საზოგადოებას გააზრებული აქვს, რომ ხელისუფლება არ ერჩის თავისუფალ მედიას.

თემურ ჭკუასელი რუსთავი 2-ის გენერალური დირექტორის ნიკა გვარამიას განცხადებებს და ტელეკომპანიის მიერ დაგეგმილ აქციას ეხმაურება და მიიჩნევს, რომ „რუსთავი-2“ სიცრუის ტირაჟირებას ახდენს.

„დღეს არავინ ერჩის თავისუფალ მედიას. გვარამიას განცხადებები მხოლოდ პროვოკაციის შემცველია და მის მიერ დაანონსებულ მიტინგზე არავინ მივა, ყოველ შემთხვევაში, ის მასა, რასაც თავად ელოდება. საზოგადოება ხვდება, რომ დღეს ხელისუფლება არ ერჩის თავისუფალ მედიას“, – განაცხადა თემურ ჭკუასელმა.

ნინო ექვთიმიშვილი