უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
გვარამიას შემთხვევაში არასამთავრობოებმა არ დაიცვეს ჩემი უფლებები - სალომე ზურაბიშვილი
„ქართული ოცნების“ მიერ მხარდაჭერილი საპრეზიდენტო კანდიდატის, სალომე ზურაბიშვილის განცხადებით, ის იზიარებს პარლამენტის თავმჯდომარის იმ შეფასებას, რომლის თანახმადაც, ნიკა გვარამიას განცხადება ხელმოცარული და უნიათო ფაშისტის განცხადებაა.
ზურაბიშვილის თქმით, რუსთავი 2-ის გენდირექტორის პოსტთან დაკავშირებით მას შეხვედრა ჰქონდა საერთაშორისო ორგანიზაციებთან.
„მე მქონდა ელჩებთან ორი შეხვედრა, სადაც გავაცანი გვარამიას ტექსტი. ასევე გამოვთქვი მწუხარება, არასამთავრობო ორგანიზაციების მიმართ, რომლებთანაც მომავალში მე დამჭირდება ძალიან მჭიდრო ურთიერთობა როგორც პრეზიდენტს. ამ შემთხვევაში არ დაიცვეს ჩემი უფლებები, არც როგორც ქალის.
ზღვა ცილისწამებისა და ლანძღვისა წამოვიდა ჩემზე. პირადად მე სახელითა და გვარით დამარქვეს რასისტი და ქსენოფობი, რაც არის შეურაცხყოფა არა მხოლოდ ჩემთვის, არამედ თუნდაც იმ ქვეყნისთვის, რომელსაც წარმოვადგენდი 30 წლის მანძილზე და რომელმაც ღირსების ორდენი მომანიჭა”, – განაცხადა სალომე ზურაბიშვილმა.
„რუსთავი 2“-ის გენერალურმა დირექტორმა ნიკა გვარამიამ ფეისბუქის საკუთარ გვერდზე გამოქვეყნებულ პოსტში დაწერა, რომ „უკიდურესად უნდა შევავიწროვოთ ყველა, ვინც სალომე ზურაბიშვილს მხარს უჭერს, აფინანსებს ან კამპანიაში სხვაგვარად ეხმარება“.
ნიკა გვარამიას განცხადებასთან დაკავშირებით საქართველოს პარლამენტის თავმჯდომარემ, ირაკლი კობახიძემ დღეს პრესკონფერენცია გამართა, სადაც აღნიშნა, რომ გვარამიას განცხადებას დღემდე არასამთავრობო ორგანიზაციები არ გამოხმაურებიან.
„ვინც ხელს აფარებს ფაშიზმს, თავადაც არის ფაშიზმის თანამონაწილე, სამწუხაროა, რომ ასეთი ადამიანები არასამთავრობო ორგანიზაციების ხელმძღვანელებს შორისაც არიან“,- განაცხადა კობახიძემ.