პოლიტიკა
გვესაჭიროებოდა 1-მილიონიანი სესხის აღება იმისათვის, რომ დამატებით მიმდინარე კამპანიის ხარჯები დაგვეფარა - ირაკლი კობახიძე
”ქართული ოცნების” ერთ-ერთი ლიდერი, ირაკლი კობახიძემ ჟურნალისტებთან განმარტა, თუ რატომ აიღო პარტიამ ”ქართუ ბანკისგან” მილიონი ლარის ოდენობით სესხი.
როგორც ირაკლი კობახიძემ აღნიშნა, ”ქართულ ოცნებას” აქვს დაფინასების სხვა წყაროებიც, თუმცა ძირითადი არის შემოწირულობები.
”დამატებით გვესაჭიროებოდა 1-მილიონიანი სესხის აღება იმისათვის, რომ დამატებითი მიმდინარე კამპანიის ხარჯები დაგვეფარა ამ სესხის საშუალებით. აქ საუბარია ჩვეულებრივ სესხზე, კანონმდებლობის შესაბამისად. სწორედ მილიონის ფარგლებში იძლევა კანონმდებლობა საარჩევნო სუბიექტებისთვის სესხის აღების შესაძლებლობას. ჩვენ ავიღეთ ეს სესხი, ჩვეულებრივი საბაზრო განაკვეთით, 11%-იანი საპროცენტო განაკვეთით. აქედან გამომდინარე, ყველაფერი არის სრულ შესაბამისობაში საქართველოს კანონმდებლობასთან”, - განაცხადა ირაკლი კობახიძემ
ნინო ექვთიმიშვილი