უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
გვიჩნდება ეჭვი, რომ შეწყალების უფლების შესახებ მუხლით დევნა ემსახურება პრეზიდენტის კონსტიტუციური უფლებების შეზღუდვას - გიორგი მარგველაშვილი
ეს დღეებია ვეძებთ და ვერ მოვიძიეთ პრეცედენტი, სადაც პრეზიდენტის ექსკლუზიურ უფლებაზე შეიწყალოს ადამიანი სადმე, რომელიმე იურისპრუდენციაში მომხდარიყო კონკრეტულად ამ უფლებიდან გამომდინარე დევნა. შესაბამისად, ვფიქრობ, რომ საერთაშორისო თვალსაზრისით არა ამ საქმეზე ზოგადად, არამედ ამ მუხლზე წარმოებული დევნა, დასვამს სერიოზულ კითხვის ნიშნებს, - განაცხადა საქართველოს პრეზიდენტმა გიორგი მარგველაშვილმა და აღნიშნულით მიხელ სააკაშვილის მიმართ ე.წ. შეწყალების საქმეზე გამოტანილ განაჩენს გამოეხმაურა.
მისი თქმით, შეწყალების უფლების შესახებ მუხლი ,,არის , პრეზიდენტის დისკრეციული უფლებამოსილება და ამ მუხლის საფუძველზე დევნის განხორციელება, თავისთავად იწვევს კითხვის ნიშნებს ქვეყანაში კონსტიტუციური ბალანსის, ხელისუფლების შტოთა მიერ ერთმანეთის გაწონასწორების, სისტემის წინააღმდეგ ხომ არ არის ეს ნაბიჯი გადადგმული.“
,,სანდრო გირგვლიანის მკვლელობის საქმე და მაშინდელი ხელისუფლების რეაქცია თავიდანვე იწვევდა ქართული საზოგადოების უაღრეს აღშფოთებას. ეს აღშფოთება თავის დროზე გაიზიარა სტრასბურგის სასამართლომაც. თუმცა, ხელისუფლების ცვლილების შემდეგ ამ სისტემურ დანაშაულში მონაწილე ადამიანებიდან ზოგიერთი სამწუხაროდ, დაწინაურებულ იქნა, რამაც საზოგადოებაში ბუნებრივად კიდევ ერთხელ გააჩინა უნდობლობა სამართალდამცავი სისტემის მიმართ.
დღეს, როდესაც ჩვენ ვუყურებთ საზოგადოებისათვის ასეთი მნიშვნელოვანი საქმის განხილვას, შემაშფოთებელია, რომ პროკურატურამ დევნის საფუძვლად გამოიყენა კონსტიტუციური მუხლი შეწყალების უფლების. შეწყალების უფლების მუხლის გამოყენების შემდეგ მოხდა პროკურატურის მიერ პოლიტიკური განცხადების გაკეთებაც, რამაც კიდევ უფრო გააღრმავა ეჭვი იმასთან დაკავშირებით, რომ ხომ არის მცდელობა კონსტიტუციური უფლების არასწორი ინტერპრეტაციისა და ამ თვალსაზრისით კონსტიტუციურ ბალანსისათვის პრობლემების შექმნის მცდელობა. მე მინდა, ხაზი გავუსვა იმასაც, რომ საერთაშორისო თვალსაზრისით სწორედ კონსტიტუციური მუხლით დევნის წამოწყება ბადებს ძალიან ბევრ კითხვას და სერიოზულ ზიანს აყენებს საქართველოს საგარეო-პოლიტიკურ იმიჯს.
ჩვენ ყურადღებით დავაკვირდებით ამ პროცესს, რადგან გვიჩნდება ეჭვი, რომ სწორედ ამ მუხლით დევნის განხორციელება ემსახურება კიდევ ერთხელ პრეზიდენტის კონსტიტუციური უფლებების შეზღუდვას და იმ პრეროგატივების შესუსტებას, რომელიც გააჩნია ძალთა დაბალანსების თვალსაზრისით პრეზიდენტის ინსტიტუტს“, - აცხადებს მარგველაშვილი.
კითხვას, მიიღო თუ არა დღეს სასამართლომ პოლიტიკური გადაწყვეტილება, პრეზიდენტი უკომენტაროდ ტოვებს.
,,ბუნებრივია, კონკრეტულად ამ საქმესთან დაკავშირებით, სასამართლოსთან დაკავშირებით არ ვაკეთებ კომენტარს“, - აღნიშნა მარგველაშვილმა.