პოლიტიკა
გვინდა გერმანული და ფრანგული ბიზნესი დაინტერესდეს საქართველოთი - მიხეილ ჯანელიძე
საქართველომ უკვე დაიმკვიდრა თავისი ადგილი, როგორც სტაბილურმა და სანდო პარტნიორმა საფრანგეთისა და გერმანიისთვის, როგორც უსაფრთხოების ადა მშვიდობის ნაწილში, ასევე ეკონომიკური შესაძლებლობების ნაწილში - განაცხადა ,,იმედის’’ ეთერში საქართველოს საგარეო საქმეთა მინისტრმა, მიხეილ ჯანელიძემ თბილისში მიმდინარე რეგიონული ამბასადორიალის მნიშვნელობაზე საუბრისას, რომელშიც საფრანგეთის ადა გერმანიის საგარეო საქმეთა სამინისტროს წარმომადგენლები მონაწილეობენ.
მისი თქმით, ამბასადორიალის ფარგლებში საუბარი შეეხება როგორც რეგიონში არსებულ გამოწვევებზე, ისე მათი გადაწყვეტის შესაძლებლობებზე.
,,შესაძლებლობლები ძალიან ბევრია. ჩვენ გვინდა, რა თქმა უნდა, გერმანული და ფრანგული ბიზნესი დაინტერესდეს საქართველოთი, უფრო მეტი შესაძლებლობები იპოვონ. ასევე, პოლიტიკური თანამშრომლობის კუთხით გვინდა, რომ მეტი ჩართულობა იყოს საფრანგეთისა და გერმანიის საქართველოსთან დაკავშირებით მიმდინარე ყველა პროცესში’’, - განაცხადა მიხეილ ჯანელიძემ.
ნინო ექვთიმიშვილი