მსოფლიო

ჰოლივუდის ვარსკვლავები ტრამპის საწინააღმდეგო მსვლელობაზე გამოვიდნენ

მანჰეტენზე, სასტუმრო „ტრამპ თაუერის“ წინ რამდენიმე ათასმა ადამიანმა მიიღო მონააწილეობა აშშ-ს ახლად არჩეული პრეზიდენტის, დონადლ ტრამპის საწინააღმდეგო მსვლელობაში. აქციის ორგანიზატორები იყვნენ Greenpeace და ლიბერალურ აქტივისტთა ორგანიზაცია MoveOn.

მსვლელობაში , რომელიც ახალი პრეზიდენტის ინაუგურაციის წინ გაიმართა, თავდაპირველად სიტყვით გამოვიდა ოსკაროსანი მსახიობი რობერტ დე ნირო. მისი თქმით, ტრამპი „ცუდ მაგალითს აძლევს ქვეყანასა და ქალაქს“.

ფარენჰეიტ 9/11-ის რეჟისორმა მაიკლ მურმა განაცხადა, რომ ამერიკაში დგება რთული პერიოდი, მაგრამ ამერიკელები არ უნდა დანებდნენ.

„ჰილარი კლინტონმა 3 მილიონი ხმით გაიმარჯვა, კიდევ 7-მა მილიონმა ხმა მისცეს მწვანეებსა და ლიბერტარიანელებს. მათ ასევე არ უნდოდათ ტრამპი. 10-მა მილიონმა ამომრჩველმა უარი თქვა ტრამპზე... ის ვერ სარგებლობს მანდატით. მას არ აქვს მანდატი. სასოწარკვეთილების წუთებში გაიხსენით ეს. თქვენი მარტონი არ ხართ. ჩვენ უმრავლესობა ვართ. არ დანებდეთ“, - განაცხადა რეჟისორმა.

მსვლელობაში ასევე გამოვიდნენ ჰოლივუდის ისეთი ვარსკვლავები, როგორიცაა მარკ რუფალო, ალექ ბოლდუინი, ჯულიანა მური, მერისა ტომეი და ნიუ ორკის მერი ბილ დე ბლაზიო.

შეგახსენებთ, რომ აშშ-ის ახლად არჩეული პრეზიდენტის, დონალდ ტრამპის ინაუგურაცია 20 იანვარს გაიმართება ვაშინგტონში, კონგრესის წინ.

ანა მებურიშვილი