საზოგადოება

HRW: ოპოზიციური პარტიის წევრების სატელეფონო საუბრის გამოქვეყნება, სავარაუდოდ, ამომრჩევლებზე ზემოქმედებას ისახავდა მიზნად

Human Rights Watch-მა 2017 წლის მსოფლიო ანგარიში გამოაქვეყნა. 687-გვერდიან ანგარიშში ორგანიზაცია განიხილავს ადამიანის უფლებების პრაქტიკას 90-ზე მეტ ქვეყანაში.

ანგარიშში საქართველოც მოხვდა. სხვადასხვა თემებთან ერთად ყურადღება ფარული მიყურადების, პირადი ცხოვრების ამსახველი ფირების გავრცელებაზე.
ორგანიზაციის ანგარიშის თარგმანს საზოგადოებრივი მაუწყებელი ავრცელებს.

საერთაშორისო ორგანიზაციის დასკვნაში აღნიშნულია, რომ წინასაარჩევნო პერიოდში, ოპოზიციური პარტიის წევრებისა და მათი მხარდამჭერების რამდენიმე, უკანონოდ ჩაწერილი სატელეფონო საუბრის ინტერნეტში გამოქვეყნება, სავარაუდოდ, ამომრჩევლებზე ზემოქმედებას ისახავდა მიზნად. ასეთ ჩანაწერებს შორის იყო კერძო საუბრები ყოფილ პრეზიდენტ მიხეილ სააკაშვილსა და ენმ-ის წევრებს შორის, ასევე, საუბარი ოპოზიციური სატელევიზიო არხის დირექტორსა და ოპოზიციური პარტიის ლიდერს შორის.

სახელმწიფო უსაფრთხოების სამსახურმა ამ ფაქტში მონაწილეობა უარყო, ხოლო შინაგან საქმეთა სამინისტრომ მისი გამოძიება დაიწყო.

„მარტში, მთავრობის 2 წევრზე, ოპოზიციის წარმომადგენელსა და ტელეჟურნალისტზე მინიშნებით, უცნობი პირები სექსუალური ურთიერთობების ამსახველი ვიდეოკადრების გამოაქვეყნებით დაიმუქრნენ, თუ ეს პირები თანამდებობებს 31 მარტამდე არ დატოვებდნენ. მუქარა ფარულად ჩაწერილი კადრების YouTube-ზე განთავსების გზით გაკეთდა. ამ კადრებში თითქოს ამ ადამიანების პირადი ცხოვრება ჩანდა, თუმცა მათი სახეები დაფარული იყო. ეს კადრები მალევე დაიბლოკა. სამართალდამცავმა ორგანოებმა გამოძიება დაიწყეს" - აღნიშნულია Human Rights Watch-ის ანგარიშში.