უკან
უახლესი ამბები
არქივი
კონფლიქტის ზონა
1 ივლისი, 2019 14:06
ჰუმანიტარული კრიზისი ოკუპირებულ გალში - რეგიონის მოსახლეობა შველას ითხოვს
ჰუმანიტარული კრიზისი ოკუპირებული გალის რაიონში - ე.წ. საზღვრის ჩაკეტვის შემდეგ რეგიონში საკვების და მედიკამენტების მარაგი ამოიწურა. პრობლემას წარმოადგენს ცოფის საწინააღმდეგო ვაქცინის დეფიციტიც.
ამჟამად ენგურის ხიდის მეორე მხარეს უპატრონო ძაღლებისგან დაკბენილი 4 ადამიანი შველას ითხოვს, მათ შორის ერთი 4 წლის ბავშვია. ასევე, დახმარებას ითხოვენ ონკოლოგიური ავადმყოფებიც.
„ცოფი არის გალის ტერიტორიაზე და არ უშვებენ ხალხს. ვაქცინა არაა აფხაზეთის ტერიტორიაზე. ზუგდიდის მიმართულებით არ უშვებენ ხალხს. ძალიან ცუდ მდგომარეობაში არიან ავადმყოფები,“- ამბობს, ერთ-ერთი ადგილობრივი.
მოსახლეობის პრობლემების შესახებ ე.წ. საზღვრის ორივე მხარეს იციან, საქმის კურსშია სადამკვირვებლო მისიაც.
აღნიშნულ ინფორმაციას „რუსთავი2“ ავრცელებს.