მსოფლიო

იაპონიაში ტაიფუნის შედეგად დაღუპულთა რაოდენობა გაიზარდა

იაპონიაში ტაიფუნ „ჰაგიბისის“ შედეგად დაღუპული ადამიანების რაოდენობა 67-მდე გაიზარდა. ტელეკომპანია „ენეიჩკეის“ ინფორმაციით, ამ დრომდე დაკარგულად მიიჩნევა 15 ადამიანი, 212-მა კი სხეულის დაზიანება მიიღო.

ქვეყნის მასშტაბით სამძებრო-სამაშველო ოპერაციაში იაპონიის თავდაცვის ძალების, სახანძრო დაცვის, პოლიციისა და უსაფრთხოების ძალების 110 000 თანამშრომელი მონაწილეობს.

ძლიერმა ტაიფუნმა იაპონიას 12-13 ოქტომბერს გადაუარა. ქარის სიჩქარე წამში 40 მეტრს აღწევდა. სტიქიას თან ახლდა ძლიერი წვიმა, ტიბას პრეფექტურაში კი ტაიფუნთან ერთად ტორნადოც წარმოიქმნა.