უკან

უახლესი ამბები

დღის კალენდარი

ანონსები

არქივი

სამართალი

14 ნოემბერი, 2018 13:00
font-size

იბერია ტვ-ს საქმეზე დაცვის მხარე მტკიცებულებების გამოკვლევას მომდევნო სხდომაზე დაასრულებს

თბილისის საქალაქო სასამართლოში ტელეკომპანია “იბერია”-ს სამაუწყებლო ლიცენზიის იძულებით დათმობის საქმეზე სხდომა დაცვის მხარის მტკიცებულებების გამოკვლევით განახლდა.

საქალაქო სასამართლოში გუშინ საღამოს გამართულ სხდომაზე დაცვის მხარემ, კერძოდ კი, თავად ბრალდებულმა, გიორგი ლაცაბიძემ საქმეში არსებული წერილობითი მტკიცებულებების ნაწილი გამოიკვლია.

გუშინდელ სხდომაზევე გიორგი ლაცაბიძის შუამდგომლობით სასამართლომ დასაკითხ მოწმეთა სიიდან მოხსნა ბიზნესმენი ქიბარ ხალვაში, რომელიც როგორც ცნობილია ამჟამად საქართველოში არ იმყოფება და მისთვის არაერთხელ გაგზავნილი უწყების მიუხედავად, მოწმე სასამართლოში არ გამოცხადებულა.

რაც შეეხება კიდევ ერთ მოწმეს, იოსებ მგელაძეს, ასევე დაცვის მხარის შუამდგომლობითვე, მოხდა მის მიერ გამოძიების ეტაპზე მიცემული ჩვენების საჯაროდ წაკითხვა.

მოსამართლე ალექსანდრე იაშვილის განმარტებით, აღნიშნული შუამდგომლობა დაკმაყოფილდა იქიდან გამომდინარე, რომ ყველა გონივრული გზა გამოყენებული იყო იმისათვის, რომ იოსებ მგელაძე სასამართლოს წინაშე გამოცხადებულიყო და დაკითხულიყო, თუმცა იქიდან გამომდინარე, რომ ეს ვერ მოხერხდა, მოსამართლემ მიზანშეწონილად მიიჩნია, მოწმის მიერ გამოძიების ეტაპზე მიცემული ჩვენების საჯაროდ წაკითხვა.

სასამართლოს გადაწყვეტილების შესაბამისად, მოხდა იოსებ მგელაძის მიერ 2014 წლის 4 აგვისტოს გამოძიებისთვის მიცემული ჩვენების სხდომაზე წაკითხვა.

დაკითხვის ოქმის თანახმად, ,,არქიმედე გლობალ ჯორჯიას“ ერთ-ერთი დამფუძნებელი იოსებ მგელაძე ყვება, რომ 2007 წელს მეგობრისგან ბეგლარ ყიფიანისგან შეიტყო, რომ ვინმე ბიძინა ნიჟარაძე ყიდდა შპს ტელეკომპანია ,,აისის“ სამაუწყებლო ლიცენზიას. მგელაძის თქმით, იგი დაინტერესდა ამ საკითხით და ბიძინა ნიჟარაძისგან მის მიერ დასახელებული თანხის - 23 940 ლარის სანაცვლოდ შეიძინა ,,აისის“ სამაუწყებლო ლიცენზია. ნასყიდობის ხელშეკრულების გაფორმება მოხდა 2007 წლის სექტემბერში ნოტარიუს ნუნუ გინტურთან.

იოსებ მგელაძის განცხადებით, მას ბიზნეს ინტერესი ჰქონდა და გეგმავდა, აღნიშნული სამაუწყებლო ლიცენზია მოგვიანებით უფრო მაღალ ფასად გაეყიდა.

თუმცა, ჩვენების თანახმად, ლიცენზიას მსურველი არ გამოუჩნდა 2012 წლამდე და საბოლოოდ ის, 5 წლიანი მცდელობის შემდეგ კვლავ 23 940 ლარად ,,ჯორჯიან პროდაქშენ გრუპის“ მფლობელობაში აღმოჩნდა.

მგელაძის თქმით, გადაფორმება ,,ჯორჯიან პროდაქშენ გრუპში“ შემავალ ტელეკომპანია “იმედის” შენობაში მოხდა. ხელშეკრულების გაფორმებისას მხარეებს ,,ჯორჯიან პროდაქშენ გრუპის“ იურისტი გიორგი არველაძე და თავად იოსებ მგელაძე წარმოადგენდნენ.

რაც შეეხება თავად გიორგი ლაცაბიძის დაკითხვის საკითხს, მოსამართლის განმარტებით, ბრალდებული ჩვენებას სასამართლოს მომდევნო სხდომაზე მისცემს. აღნიშნულით დაცვის მხარე მტკიცებულებების გამოკვლევას დაასრულებს.

საქმეზე მომდევნო სხდომა 22 ნოემბრის 17:30 საათისთვის ჩაინიშნა.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა.

უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

ნინო ექვთიმიშვილი

საკვანძო სიტყვები:

სამინისტროს კომპეტენციას მიკუთვნებული რაიმე ინციდენტი ამ ეტაპამდე არ დაფიქსირებულა - ნათია მეზვრიშვილი

19 მაისი, 2019 , 10:34

შინაგან საქმეთა მინისტრის მოადგილე, ნათია მეზვრიშვილმა შინაგან საქმეთა სამინსიტროს მიერ არჩევნების პერიოდში მართლწესრიგისა და უსაფრთხოების უზრუნველყოფის შესახებ ბრიფინგი გამართა. დღეს, მიმდინარე შუალედური და რიგგარეშე არ

ბრალი აქვს წაყენებული 2 ადამიანს, სამართლებრივ ფარგლებში მიმდინარეობს ყველაფერი - გიორგი გახარია

19 მაისი, 2019 , 10:24

შინაგან საქმეთა მინისტრმა, გიორგი გახარიამ, ჟურნალისტის კითხვაზე, თუ ვის მიერ მოხდა ზუგდიდის ერთ-ერთ საარჩევნო ოლქში გასროლა,განაცხადა, რომ ბრალი აქვს წარდგენილი 2 პირს და მიმდინარეობს გამოძიება. "როდესაც არჩევნებზე ვსაუ

შინაგან საქმეთა სამინისტროში ინტერნეტის გამოყენებით ნარკოტიკების უკანონო გასაღებასთან დაკავშირებით სამუშაო შეხვედრა გაიმართა

18 მაისი, 2019 , 14:35

შინაგან საქმეთა სამინისტროში ინტერნეტის გამოყენებით ნარკოტიკული საშუალებების უკანონო გასაღებასთან დაკავშირებით სამუშაო შეხვედრა გაიმართა. ღონისძიება ევროკავშირის მიერ დაფინანსებული პროექტის - “ევროკავშირის მხარდაჭე

დიდი ოდენობით ყალბი ფულის გასაღების ფაქტზე 2 პირია დაკავებული

18 მაისი, 2019 , 11:25

შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, დიდი ოდენობით ყალბი ფულის გასაღების ფაქტზე, უკრაინის რესპუბლი

პოლიციამ მეუღლის, გერისა და სიდედრის მიმართ განხორციელებულ ოჯახში ძალადობის ფაქტზე ერთი პირი დააკავა

18 მაისი, 2019 , 11:05

შინაგან საქმეთა სამინისტროს იმერეთი, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ოჯახში ძალადობისა და ოჯ

საქართველოს სიმდიდრე არის მთა და ის ხალხი, რომელიც ამ მთას ამაგრებს - მამუკა ბახტაძე

17 მაისი, 2019 , 16:39

საქართველოს სიმდიდრე არის მთა და ის ხალხი, რომელიც ამ მთას ამაგრებს, - ამ სიტყვებით მიმართა საქართველოს პრემიერ-მინისტრმა მამუკა ბახტაძემ ხულოს მუნიციპალიტეტის სოფელ ღორჯომის მოსახლეობას, რომელსაც დღეს შეხვდა. მთავრობის