პოლიტიკა

`იბერიას` გარშემო განვითარებულ მოვლენებს ევროპარლამენტში გამოეხმაურნენ

ტელეკომპანია "იბერიას" გარშემო განვითარებულ მოვლენებს ევროპარლამენტში გამოეხმაურნენ.

განცხადება საგარეო საქმეთა კომიტეტის წევრმა, ანდერს მამიკინსმა გააკეთა, რომელიც საქართველოს ასოცირების ხელშეკრულებისა და ვიზის ლიბერალიზაციის საკითხებზე მთავარი მომხსენებელი იყო.

ევროპარლამენტის წევრი ხაზს უსვამს საქართველოში თავისუფალი მედიის არსებობის აუცილებლობას. მამიკინსის განმარტებით უმნიშვნელოვანესია, რომ მედიამ შეძლოს საკუთარი მთავარი ფუნქციის შესრულება, სხვადასხვა პოზიციის გაშუქება და ხელისუფლების კრიტიკა.

საგარეო საქმეთა კომიტეტის წევრი საქართველოს მთავრობას მოუწოდებს, ქვეყანაში თავისუფალი მედიის ფუნქციონირება უზრუნველყოს.

,,ჩემს მოვალეობაში არ შედის, რომ რჩევა მივცე საქართველოს მთავრობას, მაგრამ როგორც საქართველოს მთავარმა მომხსენებელმა ევროპარლამენტში და ყოფილმა ჟურნალისტმა, უნდა ვთქვა, რომ თითოეულ ქვეყანას უნდა ჰქონდეს აბსოლუტურად თავისუფალი მედია, რადგან ეს არის ერთ-ერთი გადამწყვეტი ასპექტი წარმატებული საზოგადოებისათვის.

თავისუფალი მედია უმნიშვნელოვანესია საქართველოს თითოეული მოქალაქისთვის, ჩემი ქვეყნის და მთელი ევროპის მოქალაქეებისთვის.

რა თქმა უნდა, ჩვენ ვეხებით ყველა ცნობილ მედიასაქმეს საქართველოში, იქნება ეს ,,რუსთავი 2“-ის თუ ,,იბერიას“ საქმე.

ვფიქრობ, ერთადერთი და უმნიშვნელოვანესი რამ, რაც საქართველოს მთავრობამ უნდა გააკეთოს, არის ის, რომ უზრუნველყოს თავისუფალი მედია, რომელიც შეძლებს ამჟამინდელი კოალიციის კრიტიკას, კომენტარების გაკეთებას. ეს არის თავისუფალი მედიის ვალდებულება საზოგადოებისადმი. მე ყველაფერ საუკეთესოს ვუსურვებ ქართულ მედიას და დარმწუნებული ვარ, რომ საქართველოს ამჟამინდელ მთავრობას გარკვევით ესმის თავისუფალი მედიის არსებობის აუცილებლობა“, - აცხადებს მამიკინსი.