უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
,,იბერიის’’ ტელეწამყვანი სამართალდამცველებს ფიზიკურ და სიტყვიერ შეურაცხყოფაში ადანაშაულებს
ტელეკომპანია ,,იბერიის’’ წამყვანი გიორგი გასვიანი სამართალდამცველებს ფიზიკურ და სიტყვიერ შეურაცხყოფაში ადანაშაულებს.
ტელეწამყვანის ინფორმაციით, შემთხვევა ბორჯომში, ,,კროუნ პლაზას’’ მიმდებარე ტერიტორიაზე გვიან ღამით მოხდა. მას პოლიცილებმა იარაღი დაადეს და ფიზიკურად გაუსწორდნენ. ჟურნალისტი ყვება, რომ მას ცემის პარალელურად პოლიციელები აგინებდნენ. როდესაც გაირკვა, რომ გასვიანი ჟურნალისტი იყო, პოლიციელები მას დაემუქრნენ, რომ თუ ის ამ ამბავს გაახმაურებდა, ,,უარესი მოუვიდოდა.’’
მომხდარის შემდეგ გიორგი გასვიანს ბორჯომის პოლიციაში რამდენიმე საათის განმავლობაში კითხავდნენ.
თოქშოუ ,,პრიორიტეტის’’ წამყვანი გვიან ღამეს ბორჯომში გაეროს ადამიანის უფლებათა დაცვის სემინარზე მიდიოდა.
,, სამართალდაცველები აღმოჩნდნენ იმავე გზაზე, სადაც მე მომისრიალდა მანქანა, შემდეგ ისინი მომადგნენ. გადმოვიდა პოლიციელი, რომელმაც დამარტყა მანქანაში მჯდომს, ახსნა-განმარტების საშუალებაც კი არ მომცა, იარაღი მომაბჯინა თავზე. მუქარითა და ფიზიკური შეურაცხყოფებით არ ამახსნევინეს, თუ რა მდგომარეობაში ვიყავი და რომ მანქანა გამოვიდა მწყობრიდან. შემდეგ გადმომიყვანეს მანქანიდან, მცემეს. თავში მირტყავდნენ და ძირითად ყბაში და მხრის ზედა ნაწილში და სამივე ეს ადგილი ძალიან მტკივა. შემდეგ, მე მათ ვუთხარი, რომ ვიყავი ჟურნალისტი, მივდიოდი სასტუმროში. მათ მითხრეს, რომ ფხიზელი არ იქნებიო, წაგათრევთ სამმართველოშიო და ნახავ, რაც მოგივაო. ცემის შემდეგ მათ მითხრეს, რომ შენ ჟურნალისტი ხარ და ალბათ ხვალიდან ატეხ ამაზე ამბავსო. ამის გამო, მათ როდესაც ჩამსვეს მანქანაში, დამაძვრევინეს მანქანა და მიმიყვანეს სასტუმრომდე იმ პირობით, რომ მე არ ვიტყოდი ამის შესახებ და არ ვამხელდი მათ ამ საქციელს. აღნიშნული პირებიდან ერთი იყო პოლიციელი მიშა ხუციშვილი, როგორც შემდეგ შევიტყვე, დანარჩენი ორი კი - მისი მეგობრები. სამოქალაქო ფორმაში იყო სამივე მათგანი. მე სამივე პოლიციელი მეგონა. სასტუმროში როგორც კი შევედი, იქ განვუცხადე ჩემს კოლეგებს, თუ რაც მოხდა. რამდენიმე წუთში ისინი დაბრუდნენ სასტუმროსთან. როგორც ჩანს, გადამოწმება უნდოდათ, თუ რა ვითარება იყო იქ. მომიტანეს ჩემი ხელთათმანი, რომელიც დავკარგე მათთან შეხლა-შემოხლის დროს. მე არც ფიზიკური და არც სიტყვიერი შეურაცხყოფა მათთვის არ მიმიყენებია, უბრალოდ ვცდილობდი, რომ თავი დამეღწია ამ კოშმარისგან. რატომ მოგისრიალდა მანქანა, შენ აპირებდი, რომ ჩვენ მოგეკალიო, აგრესიულად მეუბნებოდნენ ამას და არ მახსნევინებდნენ იმას, რომ მე მანქანა მომისრიალდა მხოლოდ იმიტომ, რომ გაუმართავი იყო და მოყინული იყო გზა. ეს იყო მიზეზი ’’, - განაცხადა გიორგი გასვიანმა ტელეკომპანია ,,იბერიის’’ ეთერში პოლიციაში დაკითხვის შემდეგ.
ნინო ექვთიმიშვილი