მსოფლიო

იენს სტოლტენბერგი თურქეთის მიერ რუსული С-400-ის შეძენის საკითხს გამოეხმაურა

ნატო-ს გენერალური მდივნის იენს სტოლტენბერგის განცხადებით, თურქეთს ალიანსისთვის არ მიუმართავს თხოვნით, რომ მის მიერ შეძენილი სარაკეტო კომპლექსები С-400 ალიანსის თავდაცვის სისტემაში იყოს ინტეგრირებული.

ამასთან, სტოლტენბერგის შეფასებით, ალიანსის წევრ-ქვეყნებს შეუძლიათ ქონდეთ დამოუკიდებელი სისტემები.

„ნატოსთვის მნიშნელოვანია, რომ ჩვენი სხვადასხვა სისტემები იყოს ურთიერთქმედებაში. აღნიშნული სისტემის ინტეგრირების მოთხვონა არ შემოსულა. ეს არც განიხილება“,- განმარტა სტოლტენბერგმა.

მისივე თქმით, „ქვეყნებს აქვთ უფლება ქონდეთ დამოუკიდებელი სისტემები, რომლებიც არ იქნება ჩვენთან ინტეგრირებული“.

„ამასთანავე თურქეთი განიხილავს ჰაერსაწინააღმდეგო თავდაცვის სხვა სისტემების შემუშავების შესაძლებლობასაც, მაგალითად, ფრანგულ-იტალიურ კონსორციუმ Eurosam-თან“,-განმარტა იენს სტოლტენბერგმა.

შეგახსენებთ, რომ მოსკოვმა და ანკარამ თურქეთისთვის С-400-ის მიწოდებაზე შეთანხმებას მიაღწიეს და შესაბამისი კონტრაქტიც გააფორმეს.

ცოტა ხნის წინ, თურქეთის პრეზიდენტმა რეჯეპ ტაიპ ერდოღანმა განაცხადა, რომ თურქეთმა უკვე პირველი შენატანი განახორციელა.

მონიკა დავლიანიძე