საზოგადოება

ილია მეორის ნათლული ხვალ კიდევ 770-ზე მეტი ბავშვი გახდება

ხვალ, 19 იანვარს, ნათლისღების დღესასწაულზე სამების საკათედრო ტაძარში რიგით 47-ე საყოველთაო ნათლობა გაიმართება.

როგორც მედიანიუსს საყოველთაო ნათლობის კოორდინატორმა, მარიამ ქომეთიანმა განუცხადა, საქართველოს კათალიკოს-პატრიარქის ნათლული ხვალ კიდევ 770-ზე მეტი ბავშვი გახდება.

,,უწმინდესს დღეისთვის 30 238 ნათლული ჰყავს, რომლებსაც ხვალ უკვე 770-ზე მეტი ბავშვი დაემატება’’, - განაცხადა მარიამ ქომეთიანმა.

საყოველთაო ნათლობის ფარგლებში საქართველოს კათალიკოს-პატრიარქის ილია მეორის ნათლულები ჯვარდაწერილი ოჯახების მესამე და მომდევნო შვილები არიან.

ნინო ექვთიმიშვილი