უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
`ლელო საქართველოსთვის` გამოდის ინიციატივით, რუსულ კომპანიებს აეკრძალოთ საქართველოს სახელმწიფო ტენდერებში მონაწილეობა
"ლელო საქართველოსთვის" გამოდის ინიციატივით, რომ რუსულ კომპანიებს და ისეთ კომპანიებს, რომელთა დამფუძნებლების უმეტესობა რუსია, აეკრძალოთ საქართველოს სახელმწიფო ტენდერებში მონაწილეობის მიღება. ამ თემაზე პარტიაში ბრიფინგი თაზო დათუნაშვილმა გამართა.
"იქიდან გამომდინარე, რომ ქართული ოცნება შემჩნეულია მჭიდრო კავშირებში რუსულ ბიზნესთან, შემოგვაქვს ინიციატივა, რომ იმისათვის, რომ საქართველო არ იყოს აღქმული, როგორც სანქციებისათვის გვერდის ამვლელი ქვეყანა, საქართველო არ იყოს აღქმული, როგორც ფულის კეთების ადგილი რუსებისთვის, ჩვენ შემოვდივართ ინიციატივით, რომ რუსულ კომპანიებს და იმ კომპანიებს, რომელთა დამფუძნებლების უმრავლესობა რუსები არიან, აეკრძალოთ საქართველოს სახელმწიფო ტენდერებში მონაწილეობის მიღება. საქართველოს გადასახადის გადამხდელების ფული არ უნდა მიდიოდეს რუსულ ჯიბეში, საქართველოს გადასახადის გადამხდელთა ფული უნდა რჩებოდეს ქართულ ბიზნესში, საქართველოში და არავითარ შემთხვევაში არ უნდა ემსახურებოდეს ომის ფინანსირებას რუსეთში და ათას სხვა ბოროტებას, რომელსაც პუტინის რეჟიმი ახორციელებს", - თქვა თაზო დათუნაშვილმა.
მისივე თქმით, რაოდენობა რუსული კომპანიებისა, რომლებსაც დღემდე ტენდერებში მონაწილეობა მიუღია დიდი არაა, სამაგიეროდ დიდია მოცულობა იმ ტენდერებისა, რომლებშიც მათ მიაღებინეს მონაწილეობა, საკმაოდ დიდია.