უკან

კომენტარი

1 ივნისი, 2017 18:15
font-size

იმ დროს, როდესაც ქვეყანა არის ოკუპირებული, ჩვენ არ გვაქვს ფუფუნება გვყავდეს ასეთი არაკვალიფიციური ხელმძღვანელობა - თამარ კეკენაძე

სამარცხვინოა ის, რომ ჩვენ ვერ დავიცავით აზერბაიჯანელი ჟურნალისტი იმ საფრთხისგან, რომელსაც ის თავისი ქვეყნიდან გამოექცა საქართველოში“ , - ასეთია „თავისუფალი დემოკრატების“ გენერალური მდივნის თამარ კეკენაძის შეფასება, რომელიც აზერბაიჯანელი ჟურნალისტის აფგან მუხთარლის გაუჩინარების საქმეს ეხმაურება.

,,ბოლო დღეების განმავლობაში ვისმენთ მინიმუმ უპასუხისმგებლო განცხადებებს ხელისუფლების მხრიდან. გასაგებია, რომ მძიმე მდგომარეობაში იმყოფებიან, რადგან ერთი მხრივ უნდა აღიარონ, რომ თავად იყვნენ ამ დანაშაულის მონაწილე და ხელი შეუწყეს ადამიანის აღმოჩენას აზერბაიჯანის ციხეში. მეორე მხრივ, თუ ქართველი სპეც და უსაფრთხოების სამსახურები არ იყვნენ ჩართულნი ამ საქმეში და უცებ ჩვენს ტერიტორიულ სივრცეში უცხო ძალებმა მოახერხეს ადამიანის გაქრობა, ეს ნიშნავს იმის აღიარებას, რომ სახელმწიფო არ გვაქვს და ჩვენ ვერ ვახერხებთ ვერც უცხოელი და ვერც ქართველი მოქალაქეეების დაცვას.

ხელისუფლებს მხრიდან დასახელებული ნებისმიერი ვერსია არის ცუდი და გაუმართლებელი. ეს არის სირცხვილი, რომელსაც საქართველოს სახელმწიფო კიდევ დიდ ხანს ვერ მოიშორებს, რადგან ადამიანი, რომელიც იბრძოდა სამართლის მიღწევისთვის და ადამიანის უფლებებისთვის ჩვენ უბრალოდ გავწირეთ.
აფგან მუხთარლი არ იყო ტურისტად ჩამოსული და იმყოფებოდა საქართველოში იძულებით. მას ემუქრებოდა საფრთხე, რომლითაც ხელი ეშლებოდა არა მარტო მის საქმიანობას, არამედ ეს იყო ფიზიკური განადგურების საფრთხე. მან ჩათვალა, რომ საქართველო არის ის ქვეყანა, სადაც იცავენ ადამიანის უფლებებს. ჩათვალა, რომ მას ექნებოდა მშვიდად ცხოვრების და საქმიანობის უფლება. ამ დროს ვხედავთ რეალობას, როდესაც თბილისში, დღისით, მზისით ადამიანი ქრება და ჩვენ ვხედავთ , რომ ეს ადამიანი ჩვენვე ჩავუგდეთ ხელში და გადავეცით იმ სახელმწიფოს, რომელსაც თავად გაურბოდა. აქ მკაფიოდ უნდა გავმიჯნოთ, რომ მნიშვნელოვანია, სტრატეგიული ურთიერთობა ჩვენს მეზობლებთან, აზერბაიჯანთან, რომელთანაც ხანგრძლივი და კარგი ურთიერთობა გვაქვს, თუმცა ყოველივე არ ნიშნავს იმას, რომ ადამიანის უფლებების დარღვევის ხარჯზე უნდა ხდებოდეს ამ თანამშრომლობის განვითარება.
სრულიად აბსურდია ჯეჯელავას განცხადება იმასთან დაკავშირებით, რომ ჟურნალისტმა უკანონოდ გადაკვეთა საზღვარი და თავისი გადაწყვეტილებით წავიდა იმ ტერიტორიაზე, სადაც ელოდებოდა ციხე. სრულიად შეურაცხადი უნდა იყოს ადამიანი, რომ საკუთარი თავი ჩააგდოს ასეთი საფრთხის ქვეშ. ჩვენთვის ორივე ვერსია მიუღებელია.

ჩვენ ,,თავისუფალი დემოკრატები“ ვაყენებთ პასუხისმგებლობის საკითხს იმ პოლიტიკური ფიგურების, რომლებსაც ევალებათ ელემენტარულად პასუხი გასცენ მოსახლეობას თუ რა ხდება. ჩვენ ვნახეთ თუნდაც ვიცე-პრემიერის , ბატონი ჯეჯელავას ძალიან შეურაცხმყოფელი და არაკომპეტენტური განცხადებები. მისი კომენტარი, რომ ეს ადამიანი არ იყო ჟურნალისტი და იყო დარაჯი, თავად ეს ფრაზა არის აბსოლუტურად მიუღებელი. რას ნიშნავს ეს? რომ დარაჯის უფლებები შეიძლება დავარღვიოთ და ჟურნალისტის არა?! თუ ბატონი ჯეჯელავა ვერ აცნობიერებს, რომ თითოეული ადამიანის ღირსება და უფლება უნდა იყოს დაცული და ხელშეუხებელი, მაშინ გამოდის რომ საქმე გვაქვს ღირებულებით პრობლემასთან. ასეთი ადამიანი დღეს არის განათლების მინისტრი და მის მიერ განხორციელებული პოლიტიკით უნდა გავზარდოთ ჩვენი მომავალი თაობა? ის რაც დღეს ხდება არის სრულიად წარმოუდგენელი ამბავი, რასაც მოჰყვა ძალიან მძიმე საერთაშორისო რეაგირება.

წლების განმავლობაში ვცდილობთ როგორმე საქართველო წარმოგვეჩინა, როგორც დემოკრატიის ოაზისი რეგიონში და ადგილი, სადაც ნებისმიერ ადამიანს შეუძლია მშვიდად იცხოვროს და უზრუნველყოს საკუთარი თავის განვითარება. საქართველოში ვიწვევთ ტურისტებს და გვინდა ჩვენი ეკონომიკა განვავითაროთ ტურიზმზე დაყრდნობით. ამ დროს კი ნებისმიერი უცხოელი, რომელსაც აქვს სურვილი ჩამოვიდეს საქართველოში ბოლო დღეების სიახლეებში ხედავს ფაქტს, რომ თურმე თბილისის ცენტრიდან შესაძლებელია ადამიანი უბრალოდ გაქრეს.

ძალიან მძაფრია იმის განცდა, რომ საქართველოს ხელისუფლებას არაფრად არ მიაჩნია ადამიანის უფლებების დაცვა, უბრალოდ ამ ფენომენსაც კი ვერ იაზრებს.

ჩვენ ძალიან დიდი პასუხისმგებლობით უნდა მოვეკიდოთ იმ ადამიანებს, ვისაც აქვს საქართველოს და საქართველოში არსებული დემოკრატიული სტანდარტების დაცვის და განხორციელების იმედი. გიორგი კვირიკაშვილის განცხადება, რომ წინასწარი დასკვნების გაკეთება არის მიუღებელი და ეს არის სპეკულაცია და სახელმწიფოს უსაფრთხოებაზე მომუშავე ინსტიტუტების დისკრედიტაცია - ეს არის ძალიან ცინიკური განცხადება, რადგან თუ ვინმე ამ ქვეყანაში ახდენს უსაფრთხოების სამსახურების დისკრედიტაციას, ეს არის სწორედ ხელისუფლება და მათი უპასუხისმგებლო ნაბიჯები. წლების განმავლობაში ვხედავთ როგორ იყენებენ უსაფრთხოების სამსახურებს არამიზნობრივად. იმის ნაცვლად, რომ ჩვენი ქვეყნის შესაბამისი სამსახურები ზრუნავდნენ საერთაშორისო უცხოური პროპაგანდის განვითარებაზე, მათ აქვთ დავალება, თუ როგორ სდიონ ოპოზიციურ პოლიტიკურ აქტივისტებს. ,,ქართული ოცნების“ ხელისუფლება მაქსიმალურად იყენებს არამიზნობრივად ქართული სპეცსამსახურის წარმომადგენლებს და ეს ნამდვილად არის დისკრედიტაცია. როგორც თავდაცვის სამინისტროს ყოფილმა წარმომადგენელმა, რომელიც დიდი სიფრთხილით ვეკიდები საკითხებს, რომელიც ეხება ჩვენი ქვეყნის თავდაცვას და უსაფრთხოებას, ძალიან კარგად ვიცი რაოდენ შეურაცხმყოფელია, როდესაც ხდება ამ ადამიანების პოლიტიკური მიზნებისთვის გამოყენება. ეს არის სწორედ დისკრედიტაცია ამ სტრუქტურებისა და მოქალაქეებს აღარ აქვთ ნდობა, რომ სპეცსამსახურები არიან ჩვენი ქვეყნის სადარაჯოზე.

ძალიან ვწუხვარ იმის გამო, რომ ძალიან ბევრჯერ მოუწია საქართველოს პრემიერ-მინისტრს გამეორება ფრაზებისა, რომ პირადად იღებს პასუხისმგებლობას ამა თუ იმ საქმეზე, რომ ეს არის ღირსების საკითხი, რომ გამოძიება ბოლომდე მივა და ჩვენ გავიგებთ სიმართლეს. ძალიან ბევრი ასეთი საქმე დაგროვდა ბოლო არჩევნების შემდეგ და არც ერთი მათგანი არ გამოძიებულა.

სამწუხაროდ პრემიერ-მინისტრის სიტყვებმა დაკარგა ფასი არა მარტო საქართველოს რიგითი მოქალაქეებისთვის, არამედ მისივე გუნდის შიგნით. ჩემთვის მისი განცხადებები არაფერის მომცემია და არ ველოდები, რომ გავიგებთ სინამდვილეში რა მოხდა. ამ ხელისუფლებას არ ყოფნის ძალა, რომ აღიაროს თავისი შეცდომა, რომელიც იყო დაშვებული, რის შედეგადაც უნდა დადგეს პოლიტიკური პირების პასუხისმგებლობის საკითხი. ამ შემთხვევაში უნდა განიხილებოდეს ყველა მინისტრის მოხსნის საკითხი, რომელიც მუშაობს უსაფრთხოების მიმართულებით. თუ ეს ადამიანები ვერ უზრუნველყოფენ იმას, რომ სახელმწიფო საზღვარი არ იქნეს გადაკვეთილი ისე, რომ ჩვენმა მესაზღვრეებმა არაფერი იციან ამის შესახებ, ესე იგი ეს ხალხი არის არაკომპეტენტური.

იმ დროს, როდესაც ქვეყანა არის ოკუპირებული და ვართ რეალური ომის მდგომარეობაში, ჩვენ არ გვაქვს ფუფუნება გვყავდეს ასეთი არაკვალიფიციური ხელმძღვანელობა „- განაცხადა თამარ კეკენაძემ.

გიორგი გახარია რომან გოცირიძეს - წარსულში ცხოვრობთ და დარჩებით იქ

29 მაისი, 2020 , 16:26

წარსულში ცხოვრობთ და დარჩებით იქ, - ასე უპასუხა საქართველოს პრემიერ-მინისტრმა გიორგი გახარიამ საპარლამენტო უმცირესობის წევრის, რომან გოცირიძის კითხვას, რომელიც ყოფილი პრემიერ-მინისტრის გიორგი კვირიკაშვილის მიერ თანამდებო

ნუ გეშინიათ, მე არ მივდივარ საკონსტიტუციო სასამართლოში - თეა წულუკიანი

27 მაისი, 2020 , 10:55

ნუ გეშინიათ, მე არ მივდივარ საკონსტიტუციო სასამართლოში. შეგიძლიათ იყოთ მშვიდად, ამაზე საუბარიც არ ყოფილა, - ასე პასუხობს საქართველოს იუსტიციის მინისტრი თეა წულუკიანი საკონსტიტუციო სასამართლოს მოსამართლედ მის შესაძლო გამწ

ქვეყანა სესხულობს, პროცენტი ჩართულია და ფული გაჩერებული, ეს ჩვენი მთავრობის უთავბოლობის, არაპროფესიონალიზმის ბრალია - დავით ჭიჭინაძე

26 მაისი, 2020 , 17:53

ქვეყნის ინფრასტრუქტურა, რეგიონალური განვითარება, რეგიონებს შორის კოორდინაცია - ეს არ არის მარტივი საქმე და მინისტრი, რომელიც ამ თანამდებობას იკავებს, დარგის პოლიტიკას უნდა განსაზღვრავდეს და არა ადამიანი, რომელსაც კანცელა

სტრასბურგის სასამართლოს გადაწყვეტილებაში წერია, რომ სახელმწიფომ მოკლა „ციხის ბუნტის“ დროს პატიმრები - ანრი ოხანაშვილი

25 მაისი, 2020 , 15:17

საინტერესოა, რას ეტყვიან „ნაციონალური მოძრაობის“ წარმომადგენლები „ციხის ბუნტის“ საქმეზე იმ ადამიანებს და მათ ოჯახებს, რომელთა საქმეზე სტრასბურგის სასამართლომ დაადგინა მე-2 მუხლის, კერძოდ, სიცოხლის

მთელი მსოფლიოს აზრი ცნობილია ანაკლიაზე და „ქართული ოცნების’’ მავნებლურ, ანტისახელმწიფოებრივ პოლიტიკაზე - გრიგოლ გეგელია

22 მაისი, 2020 , 17:45

„ლელო საქართველოსთვის" ერთ-ერთი ლიდერის, გრიგოლ გეგელიას განცხადებით, სავალალოა, რომ საქართველოს ხელისუფლებაზე უკეთ სხვა სახელმწიფოებს ესმით ის თუ, რა არის საუკეთესო ჩვენი ქვეყნისთვის. გეგელიას განცხადებით, ევროპარ

ნატო ჩხეიძე: კაცს რომ დამპყრობელი არგონავტები ჩვენი სამშობლოს სიმბოლო ჰგონია, რა გასაკვირია, პარლამენტის რიგიანი მუმაობა მასკარადი ეგონოს

22 მაისი, 2020 , 14:17

დამოუკიდებელი დეპუტატი ნატო ჩხეიძე პრემიერ-მინისტრ გიორგი გახარიას განცხადებას: „ჩვენ გუშინ აღმოვაჩინეთ, რომ გაგვეხსნა ახალი ფრონტი, პოლიტიკური მასკარადის სახით“, სოციალურ ქსელში ეხმაურება.  „სერიი