კომენტარი
იმედია არ მოხდება ის მავნებლობა, რასაც 8 ოქტომბერს ჰქონდა ადგილი - ბექა ბასილაია
ნაციონალური მოძრაობის წევრი ბექა ბასილაია ბექა ბასილაია იმედს გამოთქვამს, რომ ზუგდიდის რაიონის ორ სოფელში განმეორებითი კენჭისყრის დროს არ მოხდება ის მავნებლობა, რასაც ადგილი 8 ოქტომბერს ჰქონდა.
„ჩვენ აქ მიმდინარე პროცესს ვაკვირდებით. იმედია არ მოხდება ის მავნებლობა, რასაც 8 ოქტომბერს ჰქონდა ადგილი - არ მოხდება უბნების დარბევა. აქ უბნების დარბევას მხოლოდ ერთადერთი მიზანი ჰქონდა- რომ სანდრა რულოვსი იგებდა აქ არჩევნებს და „ქართული ოცნება“ მაქსიმალურად შეეცადა ხელი შეეშალა ამ პროცესისთვის. დღეს, ჩვენ გვაქვს ამომრჩევლის იმედი, რომ მაქსიმალური კონცენტრაციით იქნება მაღალი აქტივობა და „ქართული ოცნება“ მიიღებს საკადრის პასუხს იმ ბარბაროსობაზე, რაც ჩაიდინა რამდენიმე დღის წინ“,-აღნიშნა ბასილაიამ.
შეგახსენებთ, რომ დღეს, ზუგდიდის რაიონის ორი სოფლის - განმუხურსა და ჯიხაშკარის 3 საარჩევნო უბანზე განმეორებითი კენჭისყრა მიმდინარეობს.
მონიკა დავლიანიძე