მსოფლიო

იმის გამო, რომ მოსამართლეები უკრაინის ჰიმნზე ფეხზე არ ადგნენ, მიხეილ სააკაშვილმა ისინი „უკრაინის მტრები“ უწოდა

კიევის სააპელაციო სასამართლოში საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის უკრაინის ტერიტორიაზე ლეგალურად დარჩენის საკითხს განიხილავენ.

სხდომის დასაწყისში, სააკაშვილის შესავალი სიტყვის შემდეგ მისმა მოხმრეებმა უკრაინის ჰიმნი წამოიწყეს. სიმღერის დროს მოსამართლეები ფეხზე არ წამოდგნენ.

როცა დარბაზში მყოფებმა ჰიმნის შესრულება დაასრულეს მიხეილ სააკაშვილმა მოსამართლეები „უკრაინის მტრები უწოდა“.

„ვინ არ ადგა ამ დარბაზში? მოსამართლეები! ისინი უკრაინული სახელმწიფოს მტრები არიან!“, -განაცხადა სააკაშვილმა.

ოდესის ექს-გუბერნატორის ადვოკატებმა მოსამართლეების აცილება მოითხოვეს.

აღნიშნული განცხადების შემდეგ მოსამართლეებმა დარბაზი დატოვეს. სასამართლო პროცესი 40 წუთის შემდეგ განახლდა.