უკან
პოლიტიკა
10 დეკემბერი, 2018 14:00
ინფორმაცია სამთავრობო ცვლილებებზე არის სისულელე, კომენტარს ნუ გამაკეთებინებთ ამ სისულელეზე - კახა კალაძე
თბილისის მერმა კახა კალაძემ სამთავრობო ცვლილებებზე გავრცელებულ ინფორმაციას სისულელე უწოდა.
„ეს არის სისულელე. კომენტარს ნუ გამაკეთებინებთ ამ სისულელეზე. ცვლილებები აუცილებელი და მნიშვნელოვანია, როცა იქნება ამის საჭიროება”,- განაცხადა კალაძემ.
კითხვაზე, რატომ საუბრობდა პარტიის თავმჯდომარე არჩევნების შემდეგ ცვლილებებზე, დედაქალაქის მერმა განაცხადა, რომ როცა სამთავრობო ცვლილებების საჭიროება დადგება, საზოგადოებისთვის წინასწარ გახდება ცნობილი.
„იქნება, იქნება. როცა ამის საჭიროება და დრო დადგება, აუცილებლად იქნება ცნობილი თქვენთვის და საზოგადოებისთვის”,- აღნიშნა დედაქალაქის მერმა.