უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
საზოგადოება
ინოვაციების სააგენტოსა და ნატოს საინფორმაციო ცენტრს შორის ურთიერთთანამშრომლობის მემორანდუმი გაფორმდა
27 იანვარს, ტექნოპარკში, საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოსა და „ნატოსა და ევროკავშირის შესახებ საინფორმაციო ცენტრს“ შორის ურთიერთანამშრომლობის მემორანდუმი გაფორმდა. ამ დოკუმენტის საფუძველზე, ერთობლივი პროექტების განხორციელებით მხარეები უზრუნველყოფენ ნატოსა და ევროკავშირში საქართველოს ინტეგრაციის საკითხებზე მოსახლეობის ინფორმირებულობას და აღნიშნული სტრუქტურების შესახებ ცნობადობის გაზრდას.
ეკონომიკის სამინისტროს ცნობით, ღონისძიებაზე საინფორმაციო ცენტრის ბენეფიციარმა ახალგაზრდებმა, აგვისტოს ომში დაღუპულ და დაჭრილ ჯარისკაცთა შვილებმა ტექნოპარკი დაათვალიერეს. ისინი სამრეწველო ინოვაციების ლაბორატორიის მაღალტექნოლოგიური დაზგა-დანადგარების მუშაობას გაეცნენ და ინფორმაცია მიიღეს იმ შესაძლებლობების შესახებ, რომლებიც მომავალში შესაძლოა საკუთარი სტარტაპების ჩამოყალიბებასა და განვითარებისთვის გამოადგეთ. ინოვაციების სააგენტოს, საინფორმაციო ცენტრისა და კომპანია „ტაქსიფაის“ დახმარებით, ასევე იგეგმება აღნიშნული ახალგაზრდებისთვის სხვადასხვა ტრენინგები და კონსულტაციები.
აღნიშნული მემორანდუმის მიზანია საქართველოს მოსახლეობის მეტი ჩართულობის უზრუნველყოფა ნატოსა და ევროკავშირში ჩვენი ქვეყნის ინტეგრაციის პროცესში. ამ ურთიერთთანამშრომლობის საფუძველზე საინფორმაციო ცენტრი ჩაატარებს არაერთ ღონისძიებას, მათ შორის სემინარებს, გამოფენებსა და კონფერენციებს, რომელთა წარმატებით განხორციელებაში მათ ინოვაციების და ტექნოლოგიების სააგენტო დაეხმარება.