უახლესი ამბები
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
ინსტიტუციებს შორის ყველაზე დადებითად ეკლესიას, ჯარსა და მედიას აფასებენ - IRI
„საერთაშორისო რესპუბლიკური ინსტიტუტის“ (IRI) ახალი კვლევის მიხედვით, გამოკითხულთა 84% საქართველოს მართლმადიდებლური ეკლესიის საქმიანობას დადებითად აფასებს, ხოლო 8% - უარყოფითად.
კვლევის მონაწილეთა 83%-მა დადებითად შეაფასა ქართული ჯარის საქმიანობა, ხოლო 10%-მა -უარყოფითად; მესამე ადგილზე 68%-ით კი ქართული მედია მოხვდა, თუმცა მისი საქმიანობა უარყოფითად გამოკითხულთა 27%-მა შეაფასა.
გამოკითხულთა 50%-მა დადებითად შეაფასა პოლიციის საქმიანობა, რომელიც რეიტინგის მეოთხე ადგილზე მოხვდა. კვლევის მონაწილეთა 43%-მა კი სამართალდამცველთა მუშაობა უარყოდითად შეაფასა.
მეხუთე ადგილზეა 49% საჯარო განათლების სისტემა, თუმცა მისი საქმიანობა გამოკითხულთა 42%-მა უარყოფითად შეაფასა.
კვლევა ჩაატარა ბალტიის კვლევების/გელაპის ორგანიზაციამ საერთაშორისო რესპუბლიკური ინსტიტუტის კვლევების ცენტრის დავალებით. მონაცემთა შეგროვება მოხდა 2018 წლის 10-22 აპრილის შუალედში და გამოიკითხა საარჩევნო უფლების მქონე 1 500 საქართველოს მოქალაქე. რესპონდენტთა ამოპასუხების პროცენტია 71, ხოლო ცდომილების ზღვარია +/- 2.5 %.