საზოგადოება

ინტენსიურად მოხდება სასკოლო პროცესში ფსიქოლოგებისა და მშობლების ჩართულობის უზრუნველყოფა-გიორგი კვირიკაშვილი

სკოლებში და ზოგადად განათლების სისტემაში ძალადობისგან თავისუფალი, უსაფრთხო სასწავლო გარემოს შექმნის მნიშვნელობაზე გაამახვილა ყურადღება პრემიერ-მინისტრმა გიორგი კვირიკაშვილმა განათლების მიმართულებით წარდგენილი სამოქმედო გეგმის პრეზენტაციაზე.

კვირიკაშვილის თქმით, ამ მიმართულებით სხვადასხვა კონკრეტული ნაბიჯის გადადგმა უკვე დაწყებულია.

„სხვადასხვა უწყების ერთობლივი მუშაობით შეიქმნა საკანონმდებლო ცვლილებების პროექტი. უფრო ინტენსიურად მოხდება სასკოლო პროცესში ფსიქოლოგებისა და მშობლების ჩართულობის უზრუნველყოფა და დაიწყო მოსწავლეებთან აქტიური კომუნიკაციის პროექტიც“, - განაცხადა პრემიერ-მინისტრმა.

მინისტრის განცხადებით, უმთავრესი გამოწვევა განათლების ყველა დონეზე ხარისხის უზრუნველყოფაა.