ეკონომიკა
`ინტერ რაო` საქართველოს მთავრობას უჩივის
"ინტერ რაო" საქართველოს მთავრობას საარბიტრაჟო სასამართლოში უჩივის და ლარის გაუფასურების გამო კომპენსაციას ითხოვს. როგორც რუსული საინფორმაციო სააგენტო ТАСС იუწყება, კომპანია ათეულმილიონიან ზარალზე საუბრობს.
სააგენტოს ცნობით, "ინტერ რაოს" სტრუქტურები - Silk Road Holdings B.V. და Gardabani Holdings B.V., რომლებიც დარეგისტრირებულები არიან ნიდერლანდებში და ფლობენ ქართული გამანაწილებელი კომპანია "თელასის" 75 %-ს და "ხრამი ჰესი 1"-ს და "ხრამი ჰესი 2-ს, დაცულები არიან საქართველო-ნიდერლანდების შეთანხმებით.
საჩივრის თანახმად, ქართულმა მხარემ უნდა აანაზღაუროს გაცვლითი კურსისგან მიღებული ზარალი. მთავარი პრეტენზია ტარიფს უკავშირდება.
ენერგეტიკის მარეგულირებელი ეროვნული კომისიის ელექტროენერგიის ტარიფების გაანგარიშების 2014 წლის მეთოდოლოგიაში არ შევიდა ადგილობრივი ვალუტის გაუფასურების გამო დანაკარგი. კომპანიებმა საქართველოს მთავრობას ტარიფების შეცვლაზე 2016 წელს მიმართეს, თუმცა მარეგულირებელი კომისიისგან უარი მიიღეს.
ნინო ექვთიმიშვილი