კომენტარი

ინტერესით ვუსმენთ განცხადებებს, რომელსაც ოპოზიციური პარტიები გოგა ონიანის დაკავებაზე აკეთებენ- იანოშ ჰერმანი

საქართველოში ევროკავშირის ელჩის თქმით, ის ყურადღებით აკვირდება ადვოკატ გოგა ონიანის დაკავების საკითხს.

მისი თქმით, ის ყურადღებით უსმენს იმ განცხადებებს, რომელსაც არასამთავრობო ორგანიზაციები და ოპოზიციური პარტიები აკეთებენ.

„ამის შესახებ პრესაში წავიკითხე. ისევე როგორც სხვა შემთხვევები, ჩვენ ეს ფაქტიც გვაინტერესებს და თვალ-ყურს ვადევნებთ. მე მხოლოდ ეს შემიძლია ვთქვა, რომ ჩვენ დიდი ინტერესით ვუსმენთ იმ განცხადებებს, რომელსაც ოპოზიციური პარტიების წარმომადგენლები და არასამთავრობო ორგანიზაციები აკეთებენ“,- აღნიშნა იანოშ ჰერმანმა.

თბილისის საქალაქო სასამართლომ ადვოკატი გოგა ონიანი 7 ნოემბერს მის მიმართ წარდგენილ ყველა ბრალდებაში დამნაშავედ ცნო.

სასამართლომ ბრალდებულს 4 წლითა და 6 თვით თავისუფლების აღკვეთა მიუსაჯა.

მონიკა დავლიანიძე