საზოგადოება

ეკონომიკური საქმიანობის მონაწილეთა გამოკითხვების სექტემბრის შედეგების თანახმად, წინა თვესთან შედარებით ინფლაციური მოლოდინები მცირედით შემცირდა - ეროვნული ბანკი

ეკონომიკური საქმიანობის მონაწილეთა გამოკითხვების სექტემბრის შედეგების თანახმად, წინა თვესთან შედარებით ინფლაციური მოლოდინები მცირედით შემცირდა.

კერძოდ, ეროვნული ბანკის ინფორმაციით, დაკლებულია იმ რესპოდენტთა რაოდენობა, რომლებიც მომდევნო 1 წლის განმავლობაში ფასების ზრდას 8%-ზე მეტად ფიქრობს, ხოლო გაზრდილია იმ რესპოდენტთა რაოდენობა, რომლებიც ფასების ზრდას 6%-8%-იან ინტერვალში მოელიან. ამავდროულად, სექტემბერის თვეში მომატებულია იმ მონაწილეთა რაოდენობა, რომლებმაც 1 წლის შემდგომ ფასების ზრდა 0%-2%-თან ახლოს დააფიქსირეს.

„ამავე გამოკითხვის მიხედვით, წინა თვესთან შედარებით სამწლიან პერიოდზე ინფლაციური მოლოდინები მცირედით დაკლებულია. შემცირდა იმ მონაწილეთა რაოდენობა, რომლებიც საშუალოდ მომდევნო სამი წლის მანძილზე უმეტესად ფასების 8%-ზე მეტად ზრდას ფიქრობენ. თუმცა წინა თვესთან შედარებით გაზრდილია იმ მონაწილეთა რაოდენობა, რომლებიც ფასების ზრდას 6%-8%-იან ინტერვალში მოიაზრებდა.

გამოკითხულთა აზრით, საკუთარ პროდუქციაზე/მომსახურებაზე ფასების ცვლილების მოლოდინი 1 წლიან პერიოდში შემცირებულია. კერძოდ, წინა თვესთან შედარებით დაკლებულია იმ რესპოდენტთა რაოდენობა, რომლებიც ფასებს 8%-ზე მეტად გაზრდას ვარაუდობენ. მეორე მხრივ, მოიმატა იმ რესპოდენტთა რაოდენობამ, რომლებიც ფასების 2%-4%-იან ინტერვალში ზრდას ფიქრობენ.

ამავე გამოკითხვის მიხედვით, წინა თვესთან შედარებით მოლოდინები ხელფასების ცვლილებაზე გაზრდილია 0%-10%-ების ფარგლებში. თვიურად დაიკლო იმ რესპოდენტთა წილმა, რომლებიც ხელფასების ზრდას 30%-ზე მეტად ფიქრობენ. ამავე დროს გაიზარდა იმ რესპოდენტთა რაოდენობა, რომლებიც ხელფასების ცვლილებას 0%-თან ახლოს მოიაზრებენ.

გამოკითხულთა აზრით, კომპანიაში წარმოებისათვის საჭირო რესურსების ათვისების დონე (კომპანიის რესურსების რეალური გამოყენება, მაქსიმალურ გამოყენებასთან შედარებით) მიმდინარე თვეში წინა თვესთან შედარებით მცირედით გაზრდილია“,- ნათქვამია ინფორმაციაში.