უკან

უახლესი ამბები

დღის კალენდარი

ანონსები

არქივი

ეკონომიკა

20 ივნისი, 2018 16:05
font-size

ინვესტიციების დაცვის ახალი ფორმატი

საქართველო-ისრაელის ბიზნეს პალატის ინიციატივით, საქართველოს ბიზნესომბუდსმენის აპარატში გერმანიის ბიზნეს ასოციაციის, პოლონურ-ქართული სავაჭრო პალატის, საქართველოს ისრაელის ბიზნეს პალატის, საქართველოს სავაჭრო-სამრეწველო პალატისა და „აწარმოე საქართველოში“ საინვესტიციო დეპარტამენტის ხელმძღვანელთა შეხვედრა გაიმართა. მხარეებმა უცხოურ ინვესტიციებთან დაკავშირებულ ან საინვესტიციო პროექტების განხორციელების გზაზე შესაძლო პრობლემების გადაჭრის საქმეში თანამშრომლობის საკითხებზე ისაუბრეს.

როგორც საქართველოს ბიზნესომბუდსმენმა ირაკლი ლექვინაძემ აღნიშნა, ბიზნესომბუდსმენის აპარატი მზადაა, მოუსმინოს საქართველოში მოქმედ ყველა ქვეყნის სავაჭრო ან ბიზნეს პალატების წარმომადგენლებს, რათა არსებულ პრობლემებზე ჩამოყალიბდეს ერთიანი პოზიცია და ერთობლივი ძალისხმევით მოხერხდეს საკითხის გადაჭრა. მისივე თქმით, ბიზნესომბუდსმენის აპარატი მოწადინებულია, ამომწურავი, მაქსიმალურად მეტი ინფორმაცია ჰქონდეს, რათა შემდეგ დაგეგმოს შესაბამისი ნაბიჯები.

საქართველო-ისრაელის ბიზნესპალატის ხელმძღვანელის განცხადებით, მნიშვნელოვანია, მხარეებმა ერთმანეთს გაუზიარონ გამოცდილება იმ სფეროში, რასაც ინვესტიციების მოზიდვა, ადგილზე არსებულ გამოწვევებთან რეაგირება ჰქვია. ბიზნესთან დაკავშირებული ბევრი პრობლემა მარტივად შეიძლება გადაიჭრას, თუ იქნება აქტიური კომუნიკაცია, ბიზნესომბუდსმენის აპარატისა და სხვა სახელმწიფო უწყებების ძალისხმევა, ვინაიდან დღეს ინვესტორებისთვის პარამეტრი გახდა, რამდენად შეუძლია ქვეყანას ინვესტიცია დაიცვას. „უცხოურმა კომპანიამ უნდა იცოდეს, საჭიროების შემთხვევაში, ვის მიმართოს და მიიღოს შესაბამისი მხარდაჭერა. მესიჯი, რომ რამდენიმე პრობლემა მოგვარდა, მოგვცემს შესაძლებლობას, გავაორმაგოთ ინვესტიციების მოზიდვა“, _ განაცხადა იციკ მოშემ.

გერმანიისა და პოლონეთის წარმომადგენლებმა ყურადღება გაამახვილეს საქართველოს რეგიონებზე და განაცხადეს, რომ სასურველია ინვესტორებისთვის შეიქმნას რეგიონების საინვესტიციო პროექტების პორტფოლიო, როგორც ერთგვარი გზამკვლევი პოტენციური ინვესტორისათვის.

პოლონურ-ქართული სავაჭრო პალატის პრეზიდენტის მარტინ რუტოვიცის თქმით, ისინი ცდილობენ, პოლონურ კომპანიებს დაანახონ, რა არის აქტუალური თბილისსა და რეგიონებში. განსაკუთრებულ ყურადღებას კი რეგიონებზე ამახვილებენ. მათ უკვე ჰყავდათ პოლონელი ინვესტორები იმერეთში, სადაც სამწუხაროდ ნაკლები საინვესტიციო შეთავაზებები იყო. ადგილობრივმა მასპინძლებმა დელეგაციის წევრებთან ზოგადად ქვეყნისა და რეგიონის, ასევე ტურისტული პოტენციალის პრეზენტაცია გააკეთეს და არ შეხებიან კონკრეტულ საინვესტიციო წინადადებებს.

შეხვედრაზე მარტინ რუტოვიცი გამოვიდა ინიციატივით, რეგიონში, კერძოდ იმერეთში გაიმართოს ბიზნესფორუმი, რომელსაც ბიზნესომბუდსმენის აპარატისა და საქართველოს სავაჭრო-სამრეწველო პალატის მონაწილეობით, ორგანიზებას გაუკეთებენ სხვადასხვა ქვეყნის სავაჭრო და ბიზნესპალატები.

პოლონელი კოლეგის აზრი გაიზიარა გერმანიის ბიზნესასოციაციის ხელმძღვანელმა ოლივერ რეგნერმა და დასძინა, რომ მათ იმერეთის რეგიონში უკვე ჰქონდათ ტურისტული და საინფორმაციო ბიზნესტური გერმანელი ბიზნესმენებისთვის. მნიშვნელოვანია, ბიზნესომბუდსმენთან თანამშრომლობა, აგრეთვე, ზოგადი პრობლემატიკის გარდა სპეციფიკური საკითხების განხილვაც, ბიზნესომბუდსმენთან მჭიდრო თანამშრომლობა კი იძლევა საშუალებას, ვილაპარაკოთ პრობლემების შესახებ.

მისივე თქმით, საქართველოში ანტიკორუფციული გარემოა, თუმცა მეზობელ ქვეყნებში ბიზნესის სფეროში თამაშის სხვა წესების გამო, სერიოზული პრობლემაა დემპინგური ფასები. მისი შეფასებით, საქართველოში ზოგიერთი მიმართულებით არსებული რეგულაციები, მაგალითად, უცხოელებზე მიწის მიყიდვასთან დაკავშირებულ საკითხში, ამძიმებს ბიზნესგარემოს და ერთგვარად უკანგადადგულ ნაბიჯებს წარმოადგენს.

შეხვედრაზე გადაწყდა, რომ რეგიონში, თავდაპირველად სავარაუდოდ, იმერეთში ან კახეთში ჩატარდება ბიზნესფორუმი, რომელიც რეგიონის საინვესტიციო პროექტების პრეზენტაციებს მიეძღვნება. ღონისძიებაში აქტიურად იქნება ჩართული „აწარმოე საქართველოში“, სამხარეო სტრუქტურები და ადგილობრვი მუნიციპალიტეტები.

ბიზნესომბუდსმენი გამოვიდა წინადადებით, საქართველოში მოქმედმა ბიზნესასოციაციებმა საქართველოს ბიზნესომბუდსმენის აპარატი დააკავშირონ მათ ქვეყნებში მოქმედ ანალოგიურ უწყებასთან, რაც, მისი თქმით, საქართველოს დაეხმარება საზღვარგარეთ ქართული ბიზნესის წარმომადგენლებს მეტი მხარდაჭერა აღმოუჩინოს.

ბიზნესომბუდსმენის ამ ინიციატივას მიესალმა საქართველო-ისრაელის ბიზნესპალატის პრეზიდენტი იციკ მოშე და განაცხადა, რომ ეს იქნება კიდევ ერთი არხი, რომელიც ხელს შეუწყობს ბიზნესის სფეროში არსებულ პრობლემებზე რეაგირებას.

შეხვედრის მეორე ნაწილში, რომელსაც ბიზნესომბუდსმენი და საქართველო-ისრაელის ბიზნესპალატის წარმომადგენლები ესწრებოდნენ, საქართველოში ისრაელურ ინვესტიციებთან დაკავშირებულ ზოგიერთ პრობლემაზე იმსჯელეს, მათ შორის ლაპარაკი შეეხო გურიაში მცხოვრებ ისრაელელ ფერმერზე, იგორ ასკაროვზე ბოლო დღეებში მომხდარ ყაჩაღური თავდასხმის ფაქტს. იციკ მოშემ ბიზნესომბუდსმენს გააცნო ინფორმაცია იგორ ასკაროვის საქმეზე 19 ივნისს გურიის სამხარეო პოლიციაში მასსა და პოლიციის ხელმძღვანელობას შორის გამართულ შეხვედრაზე და აღნიშნა, რომ სამართალდამცველები მოწადინებული არიან, რაც შეიძლება სწრაფად გაიხსნას საქმე და საბოლოოდ გადაიჭრას ის პრობლემები, რომელიც ისრაელელ ფერმერს უკავშირდება.

შეხვედრის ბოლოს იციკ მოშემ აღნიშნა, რომ მას აქვს მდიდარი გამოცდილება საქართველოს ბიზნესომბუდსმენის აპარატთან თანამშრომლობის და ამ გზით არაერთი საკითხიც არის მოგვარებული. მომავალში ეს თანამშრომლობა კიდევ გაგრძელდება, მათ შორის ახალ ფორმატში, სხვა ქვეყნების ბიზნეს ასოციაციებთან კოორდინირებული მუშაობით.

New York-ის deloittes-ის ოფისთან ერთად პოსტკრიზისულ გეგმაზე ვმუშაობთ და დისკუსიაში ქართველ ექსპერტთა ჯგუფი მოვიწვიეთ - ივანე მაჭავარიანი

8 ივლისი, 2020 , 14:20

შეხვედრის მიზანი იყო, რომ შეგვეჯერებინა პოზიციები უცხოელი და ადგილობრივი ექსპერტების, ასევე, მთავრობას გამოემუშავებინა ისეთი გეგმა და სტრატეგია, რომელიც შეჯერებული იქნება ადგილობრივ რეალობასთან, - ამის შესახებ საქართველო

საქართველოში ეკონომიკური საქმიანობის ხელშეწყობის მიზნით, საქმიანი ვიზიტები ყველა ქვეყნიდან შეუფერხებლად განხორციელდება - ირაკლი ჩიქოვანი

8 ივლისი, 2020 , 12:20

საქართველოში ეკონომიკური საქმიანობის ხელშეწყობის მიზნით, საქმიანი ვიზიტები ყველა ქვეყნიდან შეუფერხებლად განხორციელდება წინასწარ, შესაბამისი ფორმის შევსებისა და შესაბამის დარგობრივ უწყებასთან შეთანხმებით, - ამის შესახებ ს

საქართველო მსოფლიო ბანკისგან დამატებით 45 მილიონი ევროს ოდენობის დაფინანსებას მიიღებს

8 ივლისი, 2020 , 11:30

ფინანსთა მინისტრმა ივანე მაჭავარიანმა და მსოფლიო ბანკის რეგიონულმა დირექტორმა სამხრეთ კავკასიაში სებასტიან მოლინეუსმა ოფიციალურად მოაწერეს ხელი შეთანხმებას, რომლის მიხედვითაც საქართველო „ეკონომიკური მართვისა და კონ

სახაზინო ობლიგაციების აუქციონზე 70 მილიონი ლარის ნომინალური ღირებულების ფასიანი ქაღალდები გაიყიდა

7 ივლისი, 2020 , 14:30

საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგს აქვეყნებს, რომლის თანახმადაც, აუქციონზე 70 000 000 ლარის ნომინალური ღირებულების ფასიანი ქაღალდები გაიყიდა. „2020 წლის 7 ივლისს,

სახაზინო ვალდებულებების აუქციონზე 20 მილიონი ლარის ნომინალური ღირებულების ფასიანი ქაღალდები გაიყიდა

7 ივლისი, 2020 , 14:30

საქართველოს ეროვნული ბანკი ფინანსთა სამინისტროს სახაზინო ვალდებულების აუქციონის შედეგს აქვეყნებს, რომლის თანახმადაც აუქციონზე 20 მლნ ლარის ნომინალური ღირებულების ფასიანი ქაღალდები გაიყიდა. „2020 წლის 7 ივლისს, ფინა

საქართველოს ბანკმა მცირე და საშუალო ბიზნესის მხარდაჭერისთვის ევროპის საინვესტიციო ბანკის ჯგუფთან 60 მილიონი ევროს მოცულობის საგარანტიო ხელშეკრულება გააფორმა

7 ივლისი, 2020 , 12:39

საქართველოს ბანკმა InnovFin SME Guarantee (InnovFin) პროგრამის  ფარგლებში ევროპის საინვესტიციო ბანკის ჯგუფთან („EIB ჯგუფი“) 60 მილიონი  ევროს მოცულობის საგარანტიო ხელშეკრულებას მოაწერა ხელი. InnovFi

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე